AQŞ-tağı Resey Federaciyasınıñ elşiligi «Resey transporttıq infraqwrılım salu üşin eşkimnen rwqsat swramaydı», - dep mälimdedi. Bwl turalı mepanews.com aqparattıq agenttigi habarlaydı.
Resey tarapınıñ mwnday qatqıl mälimdeme jasauına AQŞ-tıñ memlekettik departamentiniñ Qırım köpirine qatıstı sıni pikiri sebep bolğan.
«Resey öz halqınıñ müddesine qatıstı, transporttıq infraqwrılım qwrılısı üşin eşkimnen rwqsat swrauğa mindetti emes», - degen reseylik diplomatiyalıq mekeme.
Eske sala ketsek, 15 mamır küni Qırımda Kerçen köpiriniñ avtoköliktik böligi aşılğan edi. Şarağa el prezidenti Vladimir Putin jetekşilik jasadı. Artınşa, AQŞ memlekettik departamentiniñ basşısı Hezer Nauert Qırım köpiriniñ qwrılısı teñiz arqılı jasalatın tauar tasımalına kedergi keltiredi dep alañdaytındarın aytıp, sıni pikir bildirgen edi. "Biz, Vladimir Putinniñ osı jük köligine qalay otırğanın jäne onı Reseyden Qırımğa qalay jürgizgenin kördik. Biz osı köpirdiñ qwrılısı men onıñ aşıluına kuä boldıq", - dep mälimdegen. Al, Euroodaq ökili Putin Qırımda Kerçen köpirin salu arqılı Ukrainanıñ egemendigi men aymaqtıq twtastığın tağı da bwzıp otır dedi.
Qosay Mahambaev: oq tigen adamdı qwtqaram degende özimdi atıp tastadı
Rezidenciya isi. Orınğazı Serikbol: Beybit şeruge şıqtım. al, 269 baptı moyındamaymın
Kiberşabuılğa wşırağan BAQ ökilderi qwqıq qorğau organdarına arız tüsirdi
Oyan, Qazaqstan qozğalısınıñ tağı bir belsendisin policiya bölimine şaqırdı
Ortalıq Aziya: tarihi, sayasi jäne ekonomikalıq müddeler ayasında