Gazadağı demonstraciya. Foto: Reuters.

Eki kün bwrın  AQŞ-tıñ Izrail' elindegi bas elşiligi Ierusalim qalasında aşıldı jäne elşiliktiñ aşılu räsimi dabıralı äri saltanattı ötti. Elşiliktiñ aşıluına AQŞ prezidenti Donal'd Tramptıñ qızı Ivanka Tramp pen küyeu balası Jared Kuşner arnayı kelip qatıstı. AQŞ-tıñ bwl şeşimine palestinalıqtar küşti qarsılıq tanıtıp kelgen. Elşiliktiñ Ierusalimde aşıluımen palestinalıqtardıñ Izrail'ge qarsı demonstraciyası bastalıp ketti.

Gazada on mıñdağan palestinalıq toptasıp, şekarağa qaray şeru jasadı. Al Izrail' qarulı küşteri olardı oqpen qarsı aldı. Bwl qaqtığıstardan ondağan palestinalıqtar qaza taptı. Bwl qaqtığıstar AQŞ elşiliginiñ Ierusalimge köşirilgen küni orın aldı. Al, palestinalıq därigerler qarsılıq akciyasına qatısqan 55 adamnıñ qaza tauıp, 2700 adamnıñ därigerlik kömek swray kelgenin mälimdedi. Bwl qaqtığıstardan birde bir izrail'dik jaraqat almadı degen habarlar da bar.

Izrail' tarabı arnayı mergenderdi paydalanğan. Foto: Reuters.

Qwqıq qorğau wyımdarı da Izrail' armiyasınıñ qarulı äreketterin sınğa alğanımen, evrey jwrtınıñ basşısı «Qarulı küşterdiñ nısanası beybit halıq emes, HAMAS wyımınıñ nısandarı» degennen jazbadı.

Bolıp jatqan qandı oqiğağa baylanıstı täuelsiz zertteu tobı arqılı anıqtau jöninde Kuveyttiñ BWW Qauipsizdik keñesine wsınğan jobasına AQŞ tarabı qarsı şıqtı. Aq üy rejimi bwl oqiğalarğa öz odaqtası Izrail' qarulı küşterin emes, Hamas tobın ayıptı dep otır.

Älem elderiniñ liderleri demonstranttarğa qarsı oq atqan evrey jasaqtarın ayıptap edi, bwğan Izrail' qarulı küşteriniñ ökili qarsı mälimdeme jasap: «Oq demonstranttarğa emes, olardıñ arasına kirap alğan ekstremisterge qarata atıldı», – dep, neşe mıñdağan adam işindegi ekstremisterdi «jazbay tanitındarın» aytıp saldı.

Mälimetterge qarağanda, demonstranttar şekarağa qarata tas jäne jarılğış zattar laqtırğan. Izrail' tarabı arnayı mergenderdi paydalanğan. Palestina avtonomiyasınıñ ökili YUsuf äl-Mahmwd Izrail' biligin ayıptap, halıqaralıq wyımnan kömek swradı. «Halıqaralıq amnistiya» qwqıq qorğau wyımı demonstranttarğa qarsı oq atu adam qwqığın jäne halıqaralıq qwqıqtı bwzu dep ayıptadı. Atalğan wyımnıñ mälimdeuinşe, qarsılıq akciyasına qatısqan 500-ge juıq adam Izrail' äskerleriniñ oğınan jaraqat alğan.

«Halıqaralıq amnistiya» wyımınıñ Tvitter paraqşasında: «Bizdiñ köz aldımızda adam qwqığı men halıqaralıq qwqıqtar öreskel bwzılu üreyi bolıp jatır. Gaza sektorında köptegen adam mert boldı, eki mıñday adam jaraqat aldı. Bwl ürey tudıratın äreketter tez arada toqtatıluı kerek», – dedi.

Al, Izrail' armiyası tarabınan jasalğan mälimdemede: «Gazada 40 mıñğa juıq adam tärtipsizdik wyımdastırıp, şekaranı bwzıp ötuge äreket jasadı. Äskerlerimiz erejege say äreket etti», – dedi.

Palestinalıq demonstrattar oqqa wşıp jatqanda, dağdılı türde AQŞ Izrail'dıñ äreketin qoldadı. Al, atalmış adam qwqığın wrandauşı halıqaralıq wyımdar men Batıs elderi därmensizdik tanıttı. Arab elderi men özge mwsılman elderiniñ är türli wyımdarı da ayıptau men sındaudan arığa barmay, qırğınğa wşırağan palestinalıqtar tağdırı eleusiz qaldı.

“The Qazaq Times”