Foto: akorda.kz

Bügin, 14 mamırda Astanada osımen segizinşi ret ötkizilip otırğan Süriya mäselelerin retteu jönindegi kelissöz bastaldı. Bwl turalı QR SİM-niñ baspasöz qızmeti habarlaydı.

Atalğan mekeme taratqan habarda «Astanada kepilger-elderdiñ qatısuımen  Süriya mäselesine qatıstı ekijaqtı jäne üşjaqtı kelissözder bastaldı», - degen QR SİM-niñ baspasöz qızmetiniñ jetekşisi Änuar Jaynaqovtıñ mälimdemesi berilgen.

Sonday-aq, ol AQŞ delegaciyasınıñ atalğan kelissözge baqılauşı retinde qatısudan sırt qalğanın da aytqan. Al, Resey federaciyasınıñ Süriya isteri jönindegi arnayı ökili Aleksandr Lavrent'ev AQŞ-tıñ kelissözge qatısudan naqtı bas tartqanın «äzirge estimegenin» habarlap, amerikalıqtar otırısqa qatısadı dep ümittenetinin jasırmadı.

Ayta keteyik, 2011 jılı Süriyada qarulı qaqtığıs bastalğalı beri Astanada Süriya mäselesin retteu jönindegi kelissöz jeti märte wyımdastırıldı. Astana kelissözine qoldau körsetuşi elderdiñ arqasında, Süriyadağı qaqtığıs uaqıtşa toqtatıldı. Resey, Iran jäne Türkiya atalğan mäsele jönindegi kelisimşarttı orındauşı kepilger-elder bolıp tabıladı.

“The Qazaq Times”