فوتو: akorda.kz

بۇگىن، 14 مامىردا استانادا وسىمەن سەگىزىنشى رەت وتكىزىلىپ وتىرعان ءسۇريا ماسەلەلەرىن رەتتەۋ جونىندەگى كەلىسسوز باستالدى. بۇل تۋرالى قر ءسىم-ءنىڭ ءباسپاسوز قىزمەتى حابارلايدى.

اتالعان مەكەمە تاراتقان حاباردا «استانادا كەپىلگەر-ەلدەردىڭ قاتىسۋىمەن  ءسۇريا ماسەلەسىنە قاتىستى ەكىجاقتى جانە ۇشجاقتى كەلىسسوزدەر باستالدى»، - دەگەن قر ءسىم-ءنىڭ ءباسپاسوز قىزمەتىنىڭ جەتەكشىسى ءانۋار جايناقوۆتىڭ مالىمدەمەسى بەرىلگەن.

سونداي-اق، ول اقش دەلەگاتسياسىنىڭ اتالعان كەلىسسوزگە باقىلاۋشى رەتىندە قاتىسۋدان سىرت قالعانىن دا ايتقان. ال، رەسەي فەدەراتسياسىنىڭ ءسۇريا ىستەرى جونىندەگى ارنايى وكىلى الەكساندر لاۆرەنتەۆ اقش-تىڭ كەلىسسوزگە قاتىسۋدان ناقتى باس تارتقانىن «ازىرگە ەستىمەگەنىن» حابارلاپ، امەريكالىقتار وتىرىسقا قاتىسادى دەپ ۇمىتتەنەتىنىن جاسىرمادى.

ايتا كەتەيىك، 2011 جىلى ءسۇريادا قارۋلى قاقتىعىس باستالعالى بەرى استانادا ءسۇريا ماسەلەسىن رەتتەۋ جونىندەگى كەلىسسوز جەتى مارتە ۇيىمداستىرىلدى. استانا كەلىسسوزىنە قولداۋ كورسەتۋشى ەلدەردىڭ ارقاسىندا، سۇرياداعى قاقتىعىس ۋاقىتشا توقتاتىلدى. رەسەي، يران جانە تۇركيا اتالعان ماسەلە جونىندەگى كەلىسىمشارتتى ورىنداۋشى كەپىلگەر-ەلدەر بولىپ تابىلادى.

“The Qazaq Times”