Foto: euronews.com

Gaza sektorı men Izrail' şekarasındağı qaqtığıstar äli de tolastamauda. Keşe, jwma küni jüzdegen palestinalıq avtomobil' döñelekterin jaqtı. Al Izrail' äskerleri bwğan jauap retinde közdi jasauratatın gaz qoldandı. Bwl turalı euronews.com agenttigi habarlaydı.

Bwğan deyin de saytımızda Hamas qozğalısı tarapınan wyımdastırılğan «Wlı oralu marşınıñ» naurız ayında bastalğanı turalı habarlağanbız. Resmi mälimetter boyınşa, sol uaqıttan beri ondağan palestinalıq qaza tauıp, jüzdegen adam jaraqattanğan.

Alayda, Gaza sektorındağı eñ ülken qarsılıq şarası 14 mamırda  (osı küni AQŞ Ierusalimde resmi  elşiligin aşadı) boladı dep kütilude. Sonımen qatar, 15 mamırda palestinalıqtar atap ötetin «Apat küninde» de iri qarsılıq nauqanı boluı mümkin.

Hamas jetekşileriniñ sözinşe, 14-15 mamırdağı nauqandarğa on mıñdağan palestinalıq dayındalıp jatqan körinedi. Al Izrail' şekaradan ötuge talpınğan kez kelgen topqa qarsı küş qoldanuğa dayındalıp jatqanın mälimdedi.

“The Qazaq Times”