Foto: Mark Holland

Kanada parlamentiniñ deputatı Mark Holland hristian bolğanına qaramastan, osımen birneşe jıl qatarınan qasiettti Ramazan ayında oraza wstap keledi, dep habarlaydı «IslamNews».

2015 jıldan beri mwsılmandardıñ mübarak ayı Ramazanda auız bekitudi ädetke aynaldırğan Holland, öziniñ bwl äreketin barşa mwsılmandarğa degen qwrmet dep tüsindiredi. Ol sonday-aq, Ramazan ayın aqşa ünemdeu üşin ülken mümkindik ayı dep sanaydı. Onıñ oyınşa, tamaqqa jwmsaytın aqşanı qayırımdılıq isterine arnağan abzal.

Kanada parlamentiniñ otırısında osınday mälimdeme jasağan Hollandtıñ sözine tañqaluşılar köbeyude. Onıñ üstine, Mark otandastarın özinen ülgi aluğa şaqırıp, tipti olardı da mwsılmandarmen birge oraza wstauğa ündedi.

“The Qazaq Times”