Foto: NEWS.ru

7 mamırda Mäskeude Resey prezidenti Vladimir Putinniñ inaugraciyası ötedi. Ant qabıldau räsimi Kreml'diñ Andreevskiy zalında ötedi. Ant qabıldağannan keyin Putin Kreml' polkınıñ paradın tamaşalaydı, dep habarlaydı centralasian.org

Halıqaralıq jäne reseylik agenttikter Vladimir Putin 7 mamırda Dumağa prem'er-ministr kandidaturasın wsınadı dep habarladı.

Bwğan deyin agenttikter Putinniñ jwrtqa kedergi keltirmes üşin kortejben jüru dästürinen bas tartqanın jazğan. 2012 jılğı 7 mamırda Putin prezident bolıp üşinşi ret saylanğan. Sol kezde ol köşelerdi jauıp tastap, Ükimet üyinen Kreml'ge deyin kölikpen barğan.

5 mamırda Vladimir Putinniñ 4 prezidenttik merimizge saylanuına qarsı Reseydiñ köptegen qalalarında "Ol bizge patşa emes" degen wranmen narazılıq şarası ötti. "OVD-Info" dereginşe, narazılıq kezinde 27 qalada mıñ jarımnan astam adam wstalğan. Keyin policiya olardıñ birazın bosatqan. Al qamalğandardıñ keybirine qılmıstıq is qozğaluı mümkin.

"Levada-centr" zertteu ortalığınıñ äleumettanuşıları jürgizgen saualnamağa qatısqan twrğındardıñ 47 payızınıñ pikirinşe, Vladimir Putinniñ bilikke kelui "Reseyge wlı derjava statusın" qaytaradı. Saualnamağa qatısqan reseylikterdiñ 45 payızı Putin "äleumetik mäselelerdi şeşe almay otır" jäne "kiristi dwrıs bölmeydi" degen. Tağı bir top jalaqı men zeynetaqını kötergenin qalaydı. Äleumettanuşılar 2015 jılmen salıstırğanda, Putinge senetinder sanı azayıp bara jatqanın aytadı.

“The Qazaq Times”