Foto: www.bbc.com

Şved akademiyası älemge tanımal  Nobel' jüldesiniñ ädebiet salası boyınşa tabıstalmaytının mälimdedi. Akademiyanıñ mwnday şeşim qabıldauına onıñ bir qızmetkeriniñ küyeuiniñ jınıstıq qılmısqa qatıstılığı sebep bolğan dep habarlaydı Bi-Bi-Si.

Endi ädebiet salası boyınşa Nobel' – 2018 sıylığı jüldegerge Nobel' - 2019 jüldegerimen birge tabıstamaq. Sonımen qatar, akademiya bwl şeşimdi qoğamğa degen senimdiliktiñ joğaluına baylanıstı qabıldağanın mälimdedi.

Bwdan bwrın «Dagens Nyheter» basılımı Şved akademiyasınıñ müşesi bolıp tabılatın aqın Katarina Frostensonnıñ küyeuin äşkereleytin materialdar jariyalağan. Basılımnıñ habarlauınşa, aqınnıñ 71 jastağı küyeui, tegi francuz rejisser äri fotograf Jan-Klod Arnonıñ 20 jıl boyı äyelderge jınıstıq zorlıq körsetkeni turalı 18 äyel şağım tüsirgen.

Tarihqa köz jügirtsek, Birinşi jäne Ekinşi Düniejüzilik soğıs jıldarında, sonımen qatar, jüldege layıqtı eñbek joq dep tapqan 1935 jılı Nobel' jüldesi jeti märte tabıstalmay qalğan eken.

“The Qazaq Times”