Фото: www.bbc.com

Швед академиясы әлемге танымал  Нобель жүлдесінің әдебиет саласы бойынша табысталмайтынын мәлімдеді. Академияның мұндай шешім қабылдауына оның бір қызметкерінің күйеуінің жыныстық қылмысқа қатыстылығы себеп болған деп хабарлайды Би-Би-Си.

Енді әдебиет саласы бойынша Нобель – 2018 сыйлығы жүлдегерге Нобель - 2019 жүлдегерімен бірге табыстамақ. Сонымен қатар, академия бұл шешімді қоғамға деген сенімділіктің жоғалуына байланысты қабылдағанын мәлімдеді.

Бұдан бұрын «Dagens Nyheter» басылымы Швед академиясының мүшесі болып табылатын ақын Катарина Фростенсонның күйеуін әшкерелейтін материалдар жариялаған. Басылымның хабарлауынша, ақынның 71 жастағы күйеуі, тегі француз режиссер әрі фотограф Жан-Клод Арноның 20 жыл бойы әйелдерге жыныстық зорлық көрсеткені туралы 18 әйел шағым түсірген.

Тарихқа көз жүгіртсек, Бірінші және Екінші Дүниежүзілік соғыс жылдарында, сонымен қатар, жүлдеге лайықты еңбек жоқ деп тапқан 1935 жылы Нобель жүлдесі жеті мәрте табысталмай қалған екен.

“The Qazaq Times”