Qiır Şığıs jäne Putin. Foto: Daily Express

1 aqpannan tartıp, kez-kelgen reseylik azamatqa Reseydiñ Qiır Şığısınan 1 gektar jer tegin alu qwqığı berildi. Resey prezidenti Vladimir Putin, ötken jılı 2 mamırda «Qiır Şığıstan bir gektar jer» zañına qol qoyğan bolatın. Bwl zañ Qiır Şığıstı damıtu üşin, reseylikterdi sol öñirge qonıstandıru maqsatında jasalğan. Qol qoyılğan qwjat 2016 jıldıñ  1 mausımınan bastap resmi küşine engen.  Bwl turalı World.Xinhua habarlaydı.

Zañdı üş kezeñge bölip jüzege asıru josparlanğan bolatın: Alğaşqı kezeñinde 2016 jıldıñ 1 mausımınan bastap, Qiır Şığıs federaldıq okruginiñ ärbir audan, auıl twrğındarına atalğan okrugten 1 gektarğa deyin tegin jer berildi. Ekinşi kezeñinde, 2016 jıldıñ 1 qazanınan bastap, okrugtegi kez-kelgen azamatqa bir gektar jerden tegin igiliktenu qwqığı berilgen. Al, üşinşi kezeñ, 2017 jıldıñ 1 aqpanınan tartıp, barlıq reseylikterdiñ Qiır Şığıstan bir gektar jer alu qwqığı boladı. YAğni, küni keşeden tartıp ärbir  reseyliktiñ Qiır Şığıstan jerge ielik etu qwqı bar.

Küşine engen zañ boyınşa, bir gektarğa deyingi jerdi 5 jılğa salıqsız tegin paydalanuına erikti. Ielik etken jerin twrğın üy, auıl şaruaşılığı, turizm nemese basqa da maqsattarğa paydalanuına boladı. Eger, belgilengen merzim işinde jerdi paydalanıp, kädege jarata alsa, jer paydalanu qwqığı jalğastı küşine ie bolmaq. Zañ boyınşa bwl igilik tek Resey Federaciyasınıñ azamattarına ğana qoljetimdi.

Reseydiñ Qiır Şığısı. Foto: maps.google.com

Reseydiñ Qiır Şığısınıñ jalpı aumağı 6,17 mln şarşı kilometr bolıp, twtas Resey territoriyasınıñ 36 payızın ieleydi. Onda qonıstanğan 6 mln şamasındağı halıq sanı, Resey halıq sanınıñ 5 payzın ğana wstaydı.

Joğarıda aytqanımızday atalmış zañ Qiır Şığıstı damıtu üşin jasalıp otır. Oğan qosa, qıtaylıqtardıñ käsiporındar arqılı Qiır Şığıstı iemdenuinen saqtanu üşin de kerek bolğan boluı mümkin. Alayda osı elde soñğı jıldardağı ekonomikalıq dağdarıstardan jwmıssızdar sanı artıp, jwmıs izdep qalağa qonıs audarğan halıq sanı köbeygen. Sol üşin de reseylikterdiñ bir gektarğa deyingi tegin jer üşin Qiır Şığısqa qonıs audara qoyuı neğaybıl. AQŞ pen Europanıñ Reseyge degen qabağı jazılıp, sankciyalar alınıp tastalsa, ekonomikası olar oylğanday jandanıp jatsa ğana, turizm men auılşaruaşılığı üşin Qiır Şığısqa qonıs audaruğa ıntalı reseylikter köbeyer. Demografiyalıq twraqtılıq üşin auıldı jerlerdi jwmıspen qamtu şaraları – qazir, reseylik ükimetti äbigerge salğan mäseleniñ biri.

«The Qazaq Times»