Foto: gosnovosti.com

AQŞ qorğanıs ministrligi giperdıbıstıq zımıran qwrastıruğa 1 milrd dollarğa juıq qarjı böldi.

AFP aqparat agenttiginiñ mälimetinşe, AQŞ qorğanıs ministrligi giperdıbıstıq zımırandardı qwrastıruşı Lockheed Martin kompaniyasına 928 million dollar qarjı bölgen. Pentagon resmi ökilderiniñ sözinşe, giperdıbıstıq zımıran jasauğa baylanıstı şeşim şığaruğa Resey men Qıtaydıñ giperdıbıstıq zımırandar qwrastıp jatqandığı sebep bolğan.

Atalmış mäselege baylanıstı jurnalister aldına jauap bergen AQŞ qorğanıs ministrligi ökilderi: «Däl qazirgi jağdayda Qıtay giperdıbıstıq zımırandarına AQŞ äue qorğanısı tötep bere almaydı. Sebebi giperdıbıstıq zımırandardı äue qorğanısı radarları tappaydı» - degen.

Qazirgi tañda älemde giperdıbıstıq zımırandarğa qarsı twra alatın äue qorğanısı qwrılğıları joq. Giperdıbıstıq zımıran özge zımırandarmen salıstırğanda wşu bağıtın özgerte aladı. Ol jıldamdığı men bağıt almastıruı arqılı äue qorğanıs radarlarına tüspeydi. Tüsken künniñ özinde äue qorğanısı onı atıp ülgermeydi.

“The Qazaq Times”