Duma audanı üşin talas soğısı jalğasuda. Foto: newsbomb.gr.

Apta soñında Süriyada tağı da himiyalıq şabuıldan 40 adam qaza taptı. Ulı gazben jasalğan şabuıl Başar Asad küşteri jağınan Şığıs Gutadağı Duma audanında bolğan. Bwl Süriya oppoziciyalıq toptarınıñ baqılauındağı soñğı audan sanaladı. Himiyalıq şabuıldan jüzden asa beybit twrğınnıñ zardap şekkenin oppoziciyalıq toptardıñ jetekşileri mälimdedi. Olar aldağı uaqıtta qaza bolğandar sanınıñ arta tüsui mümkin ekenin alğa tartqan. Bwl turalı «Şinlañ» aqparattıq saytı habarladı.

Süriyadağı Adam qwqığın qorğau wyımınıñ 4 säuir küni jariyalağan mälimetine qarağanda, Süriya soğısı bastalğalı beri Başar Asad küşteri 214 ret himiyalıq şabuıl jasağan. Han-Şeyhun qırğınınan keyin de 11 ret himiyalıq şabuıl jasadı dep ayıptadı.

Reseydiñ kepildigimen Şığıs Gutada beybit halıqtı evakuaciyalau 22 naurız küni bastalğan bolatın. Eki tarap tek Duma audanınıñ ieligi turalı kelisimge kele almadı. Osıdan bwrın ükimetke qarsı toptardıñ atalğan audandı tastap ketetini de habarlanğan bolatın. Alayda, taraptardıñ kelissözderi şabuıldarğa tosqauıl qoya almadı. Mälimetterge qarağanda, Duma audanında keminde 100 twrğın qorşauda qalğan.

 “The Qazaq Times”