Soltüstik Amerika bazarına aparılatın japon kölikteri. Foto: Automotive News

Avtokölik öndirisine ie elderdiñ avtokölik öndiruşi käsiporındarınıñ bäsekesi qızu jürgizilip keledi. Soñğı kezde bäsekede, atağın at kötere almaytın nemis avtokölikteri japondarğa jol berip qoydı. Osıdan üş jıl bwrın zor bolaşağı bar dep kütilgen Koreya avtokölik öndiruşileri de biılğı mälimet boyınşa, qatarınan üş jıl qwldırauğa wışırağan. Al atalmış bazarda samuray eliniñ kölikteri älemdik köş bastap twr.

World.Xinhua08 saytınıñ habarlauınşa, Japoniyadağı Toyota, Nissan, Honda jäne basqa segiz avtokölik öndiruşi käsiporındardıñ 30 qañtar küni jasağan mälimdemesine qarağanda,  segiz iri avtokölik öndiruşiniñ 2016 jılğı jalpı ösimi 2015 jılğa salıstırğanda 3,3 payızğa artqan. 27,22 mil dana avtokölik öndirip, bes jıl qatarınan ösim körsetkişin saqtağan.

Segiz iri avtokölik öndiruşi käsiporınnıñ ötken jılı şetelde öndirgen avtokölik sanı 18 mln 719 mıñ danağa jetip, aldınğı jıldan 4,9 payızğa artqan. Mitsubishi Motors-tan özge jeti käsiporın qatarınan jıldıq rekord körsetken. Al avtokölik eksportı 2,4 payız bolıp, 4 mln 351 mıñ avtokölikti sırtqa şığarğan.

Atalğan käsiporındardıñ şeteldik narıqtağı belsendiligine qarağanda, Japoniya öz işindegi tabısı tömen bolıp otır. El işindegi 4,475 dana avtokölik satıp, 2015 jılğa salıstırğanda 2,1 payızğa azayğan. Japoniya mediya qwraldarı jariyalağan statistikalıq mälimetterge qarağanda, Soltüstik Amerika avtokölik bazarı – Japoniya avtokölik öndirisiniñ tabıstı alañı. Bwl bazardağı japondıq avtokölikterdiñ satılımı özge aymaqtardan köp joğarı. Osını eskere otırıp AQŞ prezidenti Tramp «Amerika birinşi» sayasatın Japoniya avtokölik öndirisine bağıttap otır.

“The Qazaq Times”