سولتۇستىك امەريكانى جاۋلاعان جاپون اۆتوكولىكتەرى

اۆتوكولىك وندىرىسىنە يە ەلدەردىڭ اۆتوكولىك ءوندىرۋشى كاسىپورىندارىنىڭ باسەكەسى قىزۋ جۇرگىزىلىپ كەلەدى. سوڭعى كەزدە باسەكەدە، اتاعىن ات كوتەرە المايتىن نەمىس اۆتوكولىكتەرى جاپوندارعا جول بەرىپ قويدى. وسىدان ءۇش جىل بۇرىن زور بولاشاعى بار دەپ كۇتىلگەن كورەيا اۆتوكولىك وندىرۋشىلەرى دە بيىلعى مالىمەت بويىنشا، قاتارىنان ءۇش جىل قۇلدىراۋعا ۇىشىراعان. ال اتالمىش بازاردا سامۋراي ەلىنىڭ كولىكتەرى الەمدىك كوش باستاپ تۇر.

World.Xinhua08 سايتىنىڭ حابارلاۋىنشا، جاپونياداعى Toyota, Nissan, Honda جانە باسقا سەگىز اۆتوكولىك ءوندىرۋشى كاسىپورىنداردىڭ 30 قاڭتار كۇنى جاساعان مالىمدەمەسىنە قاراعاندا،  سەگىز ءىرى اۆتوكولىك ءوندىرۋشىنىڭ 2016 جىلعى جالپى ءوسىمى 2015 جىلعا سالىستىرعاندا 3,3 پايىزعا ارتقان. 27,22 ميل دانا اۆتوكولىك ءوندىرىپ، بەس جىل قاتارىنان ءوسىم كورسەتكىشىن ساقتاعان.

سەگىز ءىرى اۆتوكولىك ءوندىرۋشى كاسىپورىننىڭ وتكەن جىلى شەتەلدە وندىرگەن اۆتوكولىك سانى 18 ملن 719 مىڭ داناعا جەتىپ، الدىنعى جىلدان 4,9 پايىزعا ارتقان. Mitsubishi Motors-تان وزگە جەتى كاسىپورىن قاتارىنان جىلدىق رەكورد كورسەتكەن. ال اۆتوكولىك ەكسپورتى 2,4 پايىز بولىپ، 4 ملن 351 مىڭ اۆتوكولىكتى سىرتقا شىعارعان.

اتالعان كاسىپورىنداردىڭ شەتەلدىك نارىقتاعى بەلسەندىلىگىنە قاراعاندا، جاپونيا ءوز ىشىندەگى تابىسى تومەن بولىپ وتىر. ەل ىشىندەگى 4,475 دانا اۆتوكولىك ساتىپ، 2015 جىلعا سالىستىرعاندا 2,1 پايىزعا ازايعان. جاپونيا مەديا قۇرالدارى جاريالاعان ستاتيستيكالىق مالىمەتتەرگە قاراعاندا، سولتۇستىك امەريكا اۆتوكولىك بازارى – جاپونيا اۆتوكولىك ءوندىرىسىنىڭ تابىستى الاڭى. بۇل بازارداعى جاپوندىق اۆتوكولىكتەردىڭ ساتىلىمى وزگە ايماقتاردان كوپ جوعارى. وسىنى ەسكەرە وتىرىپ اقش پرەزيدەنتى ترامپ «امەريكا ءبىرىنشى» ساياساتىن جاپونيا اۆتوكولىك وندىرىسىنە باعىتتاپ وتىر.

“The Qazaq Times”