Foto: ntv.com.

Amerika "Süriyanıñ keleşegi" attı partiya qwrdı dep habarlaydı "abhaber.com" saytı. Degenmen, sayasatkerler AQŞ-tıñ bwl qadamına küdikpen qaraydı. Olar  "Kürdterdiñ halıqtıq qorğau otryadın" (YPG) qwtqaru üşin qwrıp otır dep bağalauda. Negizinde, AQŞ bwdan bwrın "YPG"-ğa "Süriya Demokratiyalıq küşteri" (Syrian Democratic Forces)  degen atau bergen bolatın. Endi älemdik aqparat betterinde jañadan qwrılğan "Süriyanıñ keleşegi partiyası" (Syria's Future Party) degen partiyanıñ atı özgerse de, zatı özgermegenin, yağni "Kürdterdiñ halıqtıq qorğau otryadınıñ" (YPG) nağız özi ekenine qatıstı kümändi pikirler jazıluda.

AQŞ Sırtqı ister ministrligi ökilderiniñ biri Hizer Noyert bwl jañalıqqa qatıstı: "BWW-nıñ Qauipsizdik Keñesiniñ 2254-şeşimi boyınşa, Süriyadağı jan türşigerlik ahualğa nükte qoyu üşin sayasi şeşim qajet bolğandıqtan, qanday partiya bolsa da bäribir, biz qoldau körsetemiz" dedi. Ol tilşilerdiñ "Süriyanıñ keleşegi partiyası" "Demokratiyalıq odaq"  partiyasınıñ (PYD) bir bölşegi me? degen saualına: "Meniñ tüsingenim, bwl köp wlttı jäne sol aymaqta twratın adamdardan qwralğan partiya" , - dep ekiwştılau jauap qaytardı.

"Süriya keleşeginiñ" qwramında terrorlıq wyımğa qatısı bar köptegen esimniñ bar ekendigi halıqaralıq wyımdardıñ nazarın audaruda. Odan bölek, jaña partiyanıñ qwrıluına oray wyımdastırılğan kongreste qoldanılğan wrandardağı jazulardı jergilikti qwrılımdar Asad rejimimen mämilege keluge dayındıq retinde bağaladı. Bir qızığı, jaña partiyanıñ atqaruşı keñes müşeleriniñ tek YPG-nıñ nısanındağı soltüstik Süriyadan tañdalğanı da mälim boldı. Bwl partiyanıñ endigi bağıtı men   "Kürdterdiñ halıqtıq qorğau otryadına" (YPG) qanşalıqtı qatısı bar ekendigi uaqıttıñ enşisine.

“The Qazaq Times”