Foto: aawsat.com

"Saud Arabiyasınıñ AQŞ-tağı elşisi hanzada Halid bin Sel'man bin Äbdüläziz husitter tarapınan Saud Arabiyasına ballistikalıq zımıran şabuılı jasalğannan keyin Iran rejimine qatıstı mälimdeme berdi", - dep habarlaydı "yeniakit.com" aqparattıq saytı.

Ol, öziniñ "twitter" äleumettik jelisindegi paraqşasında: "Iran rejimi halıqaralıq zañdardı ayaq astı etuin qoyar emes. Süriya, Irak, Livan, Bahreyn jäne Yemen äli künge deyin terrorizmge qoldau körsetude. Olar BWW-nıñ Qauipsizdik Keñesiniñ şeşimderine qol siltep qaraydı. Şiittik husit jasaqtarına zımıran beredi" , - dep jazğan.

Arab Odağınıñ ökili Turki äl-Malki de: "Irannan qoldau tauıp otırğan şiittik husitter tobınıñ osı şabuıl äreketteri Iran rejiminiñ qarulı topqa äskeri mümkindikteri arqılı qoldau körsetip otırğandığınıñ däleli" , - dep mälimdeme jasadı.

Esteriñizge sala ketsek, eki kün bwrın Yemennen Saud Arabiya astanası är-Riyadqa ballistikalıq zımıran şabuılı jasalıp, oqiğa saldarınan 1 adam qaza tauıp, 2 adam jaraqattanğan edi. Biraq artınşa Saud Arabiya küşteri Är-Riyadqa bağıttalğan 7 ballistikalıq zımırandı joyğan.

“The Qazaq Times”