"ساۋد ارابياسىنىڭ اقش-تاعى ەلشىسى حانزادا حاليد بين سەلمان بين ءابدۇلازيز حۋسيتتەر تاراپىنان ساۋد ارابياسىنا بالليستيكالىق زىمىران شابۋىلى جاسالعاننان كەيىن يران رەجيمىنە قاتىستى مالىمدەمە بەردى", - دەپ حابارلايدى "yeniakit.com" اقپاراتتىق سايتى.
ول، ءوزىنىڭ "twitter" الەۋمەتتىك جەلىسىندەگى پاراقشاسىندا: "يران رەجيمى حالىقارالىق زاڭداردى اياق استى ەتۋىن قويار ەمەس. ءسۇريا، يراك، ليۆان، باحرەين جانە يەمەن ءالى كۇنگە دەيىن تەرروريزمگە قولداۋ كورسەتۋدە. ولار بۇۇ-نىڭ قاۋىپسىزدىك كەڭەسىنىڭ شەشىمدەرىنە قول سىلتەپ قارايدى. شيتتىك حۋسيت جاساقتارىنا زىمىران بەرەدى" ، - دەپ جازعان.
اراب وداعىنىڭ وكىلى تۋركي ءال-مالكي دە: "يراننان قولداۋ تاۋىپ وتىرعان شيتتىك حۋسيتتەر توبىنىڭ وسى شابۋىل ارەكەتتەرى يران رەجيمىنىڭ قارۋلى توپقا اسكەري مۇمكىندىكتەرى ارقىلى قولداۋ كورسەتىپ وتىرعاندىعىنىڭ دالەلى" ، - دەپ مالىمدەمە جاسادى.
ەستەرىڭىزگە سالا كەتسەك، ەكى كۇن بۇرىن يەمەننەن ساۋد ارابيا استاناسى ءار-ريادقا بالليستيكالىق زىمىران شابۋىلى جاسالىپ، وقيعا سالدارىنان 1 ادام قازا تاۋىپ، 2 ادام جاراقاتتانعان ەدى. بىراق ارتىنشا ساۋد ارابيا كۇشتەرى ءار-ريادقا باعىتتالعان 7 بالليستيكالىق زىمىراندى جويعان.
يرانداعى قانتوگىس پەن سىرتقى قىسىم: ترامپتىڭ ەكىۇشتى سيگنالى
كونستيتۋتسيا تاعى وزگەرمەك: رەفورما ما، الدە بيلىكتى قايتا قۇراستىرۋ ما؟
اقش «تاساداعى فلوتقا» توسقاۋىل قويدى: Olina تانكەرى جانە تەڭىزدەگى جاڭا سانكتسيالىق سوعىس
اتىراۋداعى جۇمباق جوعالۋ مەن ادام ءولىمى: ءىز-ءتۇزسىز ارتىلعان وتباسى، پوليتسيا تەرگەۋى جانە قوعام رەاكتسياسى
ايزات جۇمانوۆانىڭ ءولىمى: بۇگىن ۇكىم وقىلدى، ايىپتالۋشى 14 جىلعا سوتتالدى
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى