Foto: dunyabulteni.net

"Islam qarsılıq qozğalısı retinde tanımal Hamastıñ qarulı qanatı Izzeddin äl-Kassam brigadası, Palestinağa qarsı şabuıl jasamaudı aytıp, Izrail'ge eskertu jasadı" , - dep habarlaydı worldbulletin.net halıqaralıq aqparat agenttigi. Kassam belsendileri eger Izrail' osı jolğı eskertulerine qwlaq aspasa özderiniñ eşteñeden tayınbaytındıqtarın, jaularına qarsı ülken küreske dayın ekendikterin ayttı.

Izzeddin äl-Kassam brigadasınıñ ökili Äbu Ubeyda keşe, yağni 26 naurızda ötken äskeri jattığudan keyin jasağan mälimdemesinde: "Halqımızdı, elimizdi, jerimizdi qorğap, olarğa qarsı jasalatın qanday da bir şabuıldıñ betin qaytaru üşin bärine de dayınbız. Biz halqımızğa qatıstı kez kelgen iske salğırt qaray almaymız", - dedi.

Izzeddin äl-Kassam brigadası tarapınan ötkizilgen äskeri jattığudıñ ayaqtalğanın aytqan Äbu Ubeyda, osı jattığudı özderiniñ sionist şabuıldarğa qarsı qanşalıqtı deñgeyde dayın ekendikterin jwrtqa körsetu üşin wyımdastırğandarın jasırmadı. Ol Palestina şekarasına teñiz jäne äue joldarı arqılı şabuıl jasauşı küşterdi ıdıratudıñ özderi üşin tük emes ekenin aytqanımen qoymay, sözine: "Kassam äskerleriniñ qabileti joğarı deñgeyde äri mıqtı jattıqtırılğan. Jer jüzinde Palestina halqınıñ qwqığına qol swğuğa batılı baratın nemese olar qalamaytın qanday da bir jospardı jüzege asıra alatın küş joq" , - degendi de qosıp qoydı.

“The Qazaq Times”