Valeriy Gerasimov. Foto: plausiblefutures.com.

Resey qarulı küşteriniñ joğarı lauazımdısı AQŞ-tıñ Başar Asad ükimetiniñ baqılauındağı aymaqtarğa äue şabuılın jasauğa dayındalıp jatqanın mälimdedi. Sonımen birge, AQŞ-tıñ bwl äreketi ondağı reseylik qarulı küşterge qater töndiretin bolsa qarsı şabuıl jasaytının ayttı. Bwl turalı «Anadolı» aqparattıq agenttiginiñ saytı jazdı.

Atalğan mälimdemeni Resey Bas ştab basqaramasınıñ törağası Valeriy Gerasimov jasağan. Ol Damask qalasında jäne Başar Asad rejimi baqılauındağı orındarda Reseydiñ äskeri keñesşileri, Süriyadağı taraptardı kelistiruşi reseylik lauazımdılar jäne qauipsizdik qızmetkerleri bar ekenin ayttı. Gerasimov AQŞ-qa qatañ eskertu jasap, reseylik azamattarğa  qauip töngen jağdayda qarsı şabuıl jasaytının ayttı.

Resey äskeri şendisiniñ sözinde, kerek kezinde AQŞ-tıñ qoldanatın zımırandarın jäne zımıran tasuşı kölikteriniñ de közin qwrtatının aytadı.

Osıdan bwrın, Süriya rejiimi himiyalıq qarudı qoldanuı qaytalasa, äue şabuılı arqılı Başar Asadqa soqqı beretinin aytqan.

“The Qazaq Times”