Teledidar köruge köp uaqıt jwmsau venozdı tromboz qaupin arttıra tüsedi. Mwnday qorıtındını AQŞ-tıñ Minnesota Universitetiniñ ğalımdarı jasağan.

Zertteuşiler 24 jıl boyı baqılaudan ötken 15 mıñ amerikalıqqa qatıstı mälimetterdi taldağan. Baqılauğa qatısqandardan jağdayı men densaulığı ünemi swrastırılğan. Solardıñ işinde venozdı tromboz sırqatı 691 adamnan tabılğan.

Sonday-aq, zertteuşilerdiñ sözinşe, adamdardıñ fizikalıq jwmısı birdey bolğanmen, bos uaqıtın teledidar aldında ötkizetinderde venozdı tromboz 1,7 esege jii kezdesedi eken. "Bwl nätijeden bayqağanımızday, ünemi fizikalıq jattığu jasap jürgen adamnıñ özi teledidar aldında wzaq uaqıt otıru ziyandı  ekenin esten şığarmau kerek", - deydi YAsuhiko Kubota.

Venozdı tromboz - tamırlar işindegi qannıñ wyıp, jinalıp qaluı. Köbinese bwl ayaqtağı qan tamırlarınıñ jwmısın qiındatadı. Auru emdelmegen jağdayda ökpe arteriyası taramdarınıñ biteluine äkep soğuı mümkin.

“The Qazaq Times”