تەلەديدار كورۋگە كوپ ۋاقىت جۇمساۋ ۆەنوزدى ترومبوز قاۋپىن ارتتىرا تۇسەدى. مۇنداي قورىتىندىنى اقش-تىڭ ميننەسوتا ۋنيۆەرسيتەتىنىڭ عالىمدارى جاساعان.

زەرتتەۋشىلەر 24 جىل بويى باقىلاۋدان وتكەن 15 مىڭ امەريكالىققا قاتىستى مالىمەتتەردى تالداعان. باقىلاۋعا قاتىسقانداردان جاعدايى مەن دەنساۋلىعى ۇنەمى سۇراستىرىلعان. سولاردىڭ ىشىندە ۆەنوزدى ترومبوز سىرقاتى 691 ادامنان تابىلعان.

سونداي-اق، زەرتتەۋشىلەردىڭ سوزىنشە، ادامداردىڭ فيزيكالىق جۇمىسى بىردەي بولعانمەن، بوس ۋاقىتىن تەلەديدار الدىندا وتكىزەتىندەردە ۆەنوزدى ترومبوز 1,7 ەسەگە ءجيى كەزدەسەدى ەكەن. "بۇل ناتيجەدەن بايقاعانىمىزداي، ۇنەمى فيزيكالىق جاتتىعۋ جاساپ جۇرگەن ادامنىڭ ءوزى تەلەديدار الدىندا ۇزاق ۋاقىت وتىرۋ زياندى  ەكەنىن ەستەن شىعارماۋ كەرەك", - دەيدى ياسۋحيكو كۋبوتا.

ۆەنوزدى ترومبوز - تامىرلار ىشىندەگى قاننىڭ ۇيىپ، جينالىپ قالۋى. كوبىنەسە بۇل اياقتاعى قان تامىرلارىنىڭ جۇمىسىن قيىنداتادى. اۋرۋ ەمدەلمەگەن جاعدايدا وكپە ارتەرياسى تارامدارىنىڭ بىتەلۋىنە اكەپ سوعۋى مۇمكىن.

“The Qazaq Times”