AQŞ prezidenti jäne onıñ keñesşisi. Foto: The New York Times.

AQŞ aqparat közderiniñ habarına qarağanda, prezident Tramptıñ qızı Ivanka Tramp Pioñçañ (Pyeongchang) qısqı Olimpiada oyındarınıñ jabılu saltanatına Soltüstik Koreyanıñ joğarı ökilimen kezdesedi. Bwl AQŞ pen Soltüstik Koreya sındı qaqtığıstağı eldiñ arasında özgeşe is-qimılğa jol aşuı mümkin. Bwl turalı The Wall Street Journal basılımı habarladı.

Oñtüstik Koreyanıñ Biriktiru ministrliginiñ beysenbi küngi habarına qarağanda, Soltüstik Koreyanıñ jetekşi partiyasınıñ orınbasar törağası Kim Ioñ Çol (Kim Yong Chol) jeksenbi küni Oñtüstik Koreyağa kelip, sol eldegi üş kündik resmi saparın bastaydı. Oñtüstik Koreya ükimeti osı oraydan paydalanıp, eki Koreya qarım-qatınasın jaqsartu jäne Soltüstik Koreyanıñ yadrolıq bağdarlaması jönindegi kelissözge jol aşuğa tırısatındarın jetkizdi.

Soltüstik Koreya Pioñçañğa baratın joğarı lauazımdısınıñ esimin jariyalaudan birneşe sağat bwrın Tramp ükimeti de Aq üy atınan Oñtüstik Koreyağa baratın resmi ökilderiniñ esimin jariya etti. Olar AQŞ prezidenti Donal'd Tramptıñ qızı jäne prezidenttiñ joğarı keñesşisi Ivanka Tramp pen Aq üydiñ resmi mälimdemeşisi Sara Sanderes ekeni mälim boldı.

Soltüstik Koreyadan baratın resmi ökil Kim Ioñ Çol men eldiñ eñ joğarı basşısı Kim Joñ Un arasında eşqanday tuıstıq qarım-qatınas joq. Oğan qosa, bılayğı jwrt onı KHDR-nıñ äskeri barlau böliminde mañızdı lauazımdı twlğa dep tanidı. Oñtüstik Koreya ükimetiniñ mälimdemesinde, Kim Ioñ Çol saparında eki el arasındağı kelisimdi qoldauşı twlğalardıñ biri Ri Son Guonmen (Ri Son Gwon) kezdesetinin aytqan bolatın. Ri Son Guon bolsa ötken ayda eki el arasındağı alğaşqı otırısta resmi ökil bolıp barğan.

“The Qazaq Times”