Täjikstannıñ bilim jäne ğılım ministri Nuriddin Said internette öziniñ atına aytılğan sındarğa jauap berdi, dep habarlaydı Ortalıq Aziya jañalıqtar qızmeti. 

Äleumettik jelilerde bilim ministri orıs tilin jetik bilmeytini üşin sınğa qaldı. Baspasöz mäslihatı kezinde Nuridddin Saidtıñ orıs tilinde jurnalisterdiñ swraqtarına jauap berip jatqan beynekörinister äleumettik jelige tarap ketken. Internet qoldanuşılar beynetaspanı körip, bilim ministriniñ otstavkağa ketuin talap etken.

Bilim ministrin qorğauşılar da kezdesti. Olar memlekettik qızmetkerler eñ aldımen täjik tilin bilui şart, qalğan tildi biluge mindetti emes deydi.

Nuriddin Saidtıñ özi bolsa, orıs tilin öte jaqsı bilemin dep esepteydi.

«Men ärine Tolstoy, ne Soljenicın emespin. Biraq orıs tilin jetik bilemin. Men orıs tilinde söyleymin. Ükimette bayandamanı orıs tilinde jasaymın. Men osı tilde eki doktor men 8 kandidat äzirlegenmin. Osıdan keyin sizder meni orıs tilin bilmeysiñ dep ayıptaysıñdar ma?...Iya, mende akcent bar. Bwl köp adamğa tiesili»,- Täjikstannıñ bilim ministri.

Nuriddin Saidtıñ sözderinşe, köptegen orıstildi halıq täjik tilinde söylemeydi.

Täjikstanda orıs tili eşqanday märtebege ie emes. Ol tek halıqaralıq qatınas tili.

Bwğan wqsas jağdaylar Qazaqstanda da joq emes. Memlekette orıs tili men qazaq tilin qoldanatın azamattar arasında bolıp jatqan qayşılıqtar ülken dauğa aynalmasa da äleumettik jeliderden jii kezdestiruge boladı.

“The Qazaq Times”