foto: aljazeera.com

Tehrannıñ jergilikti bilik ökilderi ükimet tarapınan jürgizilip jatqan dini repressiyağa narazılıq bildirgen sopılardı "avtokölikterge şabuıl jasap, irandıq 5 sarbazdıñ qaytıs boluına sebep boldı", dep ayıptauda, - dep habarlaydı Al Jazeera aqparat agenttigi. 

Irandıq " Fars" aqparat agenttiginiñ mälimdeuinşe, astananıñ Pasdaran aymağında «Gonabadi-derviş» tobınıñ narazılıq bildiruşilerin toqtatuğa tırısıp jatqan sätte policey qızmetkerlerin mikroavtobus soğıp, birneşe adam jaralanıp, 3 adam qaytıs boldı. Mikroavtobustı «Gonabadi-derviş» tobınıñ müşesi jürgizgen desedi.

Äleumettik jelilerge Tehrannıñ ortalıq köşesinde aq mikroavtobustıñ joğarı jıldamdıqpen kele jatqanı jäne onıñ artınan quıp kele jatqan policiya qızmetkerleri körsetilgen video tarap ketti.

Al policiya qızmetkerleri revolyuciyalıq gvardiya men Ayatolla Ali Hameneidiñ bwyrığına säykes, Iran köşelerin baqılauğa jii şığıp jür.

Telegrammada osı qaqtığıs saldarınan jalpı 30 adam (äskeri qızmetkerler men ereuilşiler) jaralanğan delingen.

"Tasnim" aqparat agenttigi bolsa, 300-den astam adam twtqındalğanın mälimdedi.

«Gonabadi-derviş» dini tobınıñ müşeleri köşbasşıları "Nur Ali Tabandeh türmege qamaluı mümkin" degen habardan keyin düysenbi küni ereuilge şıqtı. Tabandehtiñ twtqındalğanı turalı aqparat äli kelip tüsken joq. Biraq "Majzooban " äleumettik media-akkauntınıñ aqparatınşa, onıñ jaqtastarın bilik ökilderi qorşap alğan.

Irandağı adam qwqıqtarı jönindegi ortalıq eldegi sopılar şeyit-islamnıñ taraluına jağday jasaydı degen pikir qalıptasqanın moyındaydı.  Osı jıldıñ qañtarında oñtüstiktegi Fars aymağında toptıñ keminde 10 müşesi türmege qamaldı. Al basqa belsendileri Tehrandağı Evin türmesinde otır.

Esteriñizge sala keteyik, Irandağı kieli Kuma qalasında 13 aqpan küni 1200-den astam sopı twtqındaldı. Olar twrğın üyde rwqsatsız dini ortalıq aşıp, jergilikti bilik ökilderiniñ onı bosatuğa baylanıstı talabın orındamağan. Onıñ üstine olarda qaru bolğan körinedi.

Iran tarihında birneşe ğasırlar boyı hristian, iudaizm jäne buddizm sekildi negizgi dini ağımdarğa elde beybit ömir süruge rwqsat berilip keldi. Biraq sufizm men islamnıñ dästürli ağımdarı arasındağı mäsele Iranda qaşan da daulı bolatın. Sarapşılardıñ oyınşa, bwl dau Islam respublikası negizi qalanğan uaqıttan bastap şielenise tüsti.

“The Qazaq Times”