6.4 baldıq jer silkinisi araldıñ şığıs jağalauınan 20 şaqırım jerde şamamen 23.50-de bolğan, - dep habarlaydı BBC aqparat agenttigi.

Hualien (Hualien) qalasındağı köptegen ğimarat qayta qalpına kelmeytindey qiradı. Qwtqaruşılar bir ğimarattağı 140-qa juıq adamnıñ esebine äli jete almay otır.

Turister eñ köp baratın Hualien qalasında şamamen 100 mıñğa juıq adam twradı. Qala äkimşiligi twrğındarğa qirağan ğimarattardan alşaq jüruge eskertu jasap, jer silkinisinen keyin baspanasız qalğan 800-ge juıq adamdı qoğamdıq ğimarattarğa ornalastırdı.

Astıñğı qabattarında dükender ornalasqan "Yunman Cuidi" twrğın üyi jer silkinisinen şamamen 45 gradusqa bir jaqqa qaray qisayıp ketken. Jergilikti BAQ ökilderiniñ habarlauınşa, osı ğimarattağı 143 adam sırtqa şığa almay otır.

Qwtqaruşılar Marşal qonaqüyinde qalıp qoyğan 2 adam jäne tağı basqa da ğimarattardan şığa almay qalğan 3 adam izdestirilude. Qwtqaru qızmetteri men sarbazdar ğimarattardan jalpı 150-ge juıq adamdı aman-esen alıp şıqqan.

Qaladağı barlıq joldar men köpirler jabıq, 40 mıñğa juıq üy su men jarıqsız otır.

Tura 2 jıl bwrın Tayuannıñ Taynan qalasında bolğan jer silkinisi 116 adamnıñ ömirin qiğan.

“The Qazaq Times”