foto: lab.bit.ua

Küni keşe, 6 aqpanda, Falcon Heavy zımıranı Kennedi ğarış ortalığındağı (Florida) 39A wşıru keşeninen ğarışqa sätti köterildi. Ol birneşe körsetkiş boyınşa älemdegi eñ quattı zımıran atandı. Atalğan zımıran orbitağa özimen 64 tonna jük (18 "Boeing 717" wşağı kötere alatın salmaqqa teñ) kötere aladı. Os'ke tüsetin osınşa salmaq pen qısımdı eskerse, Falcon Heavy bolaşaqta adamdardı Marsqa apara aladı deuge boladı, - deydi SpaceX kompaniyası ökilderi.

Falcon Heavy-dıñ wşırılatın küni belgili bolğan sätten ğarış ortalığı janındağı barlıq qonaqüyler men kölik twraqtarındağı orındar satılıp ketti.

Ilon Mask zımırandı wşıruğa dayındıq kezeñinde "Bwl ğarış tarihındağı eñ mıqtı zımırannıñ sätti köterilui bola ma, älde aspandağı közdiñ jauın alar otşaşuğa kuä bolamız ba - äzir belgisiz. Biraq älemniñ tüpkir-tüpkirinen osı jayttı köru üşin mıñdağan adam keldi" degen bolatın.

Ğarış kemesine Ilon Masktıñ sporttıq köligi tielip, oğan skafandr kigen quırşaq adam otırğızılğan. Zımırannıñ orbitadağı qozğalısınıñ videosın  SpaceX saytınan köruge boladı.

“The Qazaq Times”