Soltüstik Koreyanıñ Berlindegi elşiligi. Foto: Le Devoir.

Germaniyanıñ barlau agentteri Soltüstik Koreya öziniñ Berlindegi elşiligi arqılı yadrolıq bağdarlamalarına qajetti jabdıqtar men tehnologiyalardı satıp alatının äşkereledi. Bwl turalı VOA aqparattıq portalı habarladı.

Germaniyanıñ Federaldı konstituciyalıq qorğanıs vedomstvosınıñ basşısı Meyson NDR telearnasına bergen swhbatında, Germaniya ükimeti qara bazardağı yadrolıq bağdarlama üşin qajetti qwral-jabdıqtardı satuşılar Germaniyadağı Soltüstik Koreyanıñ elşiligi arqılı saudalasuı mümkin dep küdiktenetinin aytqan.

Meyson sözinde Soltüstik Koreyanıñ naqtı qanday jabdıqtar men tehnologiyalardı satıp alğanı turalı aşıq aytpadı, biraq äskeri jäne äleumettik salada birdey qoldanılatın tehnologiyalardı satıp alğan dep mejeleydi.

NDR arnasınıñ habarına qarağanda, Soltüstik Koreya 2016 jäne 2017 jıldarı osınday satıp alu äreketterin jüzege asırğanın aytadı. Sonday-aq, 2014 jılı Soltüstik Koreyanıñ bir diplomatı himiyalıq qaru öndiruge paydalanılatın monitor satıp aluğa ärekettengenin de alğa tartqan.

Degenmen, CNN jurnalisteri Germaniyada twratın Soltüstik Koreya elşiliginen bwl sözge qatıstı swraqtar swrağanda, atalğan elşilik bwl aytılğandardı teriske şığarıp, jalğan aqparat dep ayıptağan.

“The Qazaq Times”