Teñiz tübindegi jer silkinisi. Foto: WSJ.

Seysenbi küni AQŞ memlekettik qızmetkerleri eldiñ Batıs jağalauında cunami turalı eskertudi resmi küşinen qaldırdı. Osıdan bwrın Alyaskağa jaqın teñiz tübindegi 7,9 balldıq jer silkinisi mañındağı aral twrğındarın biik jerlerge köşuge, sonday-aq AQŞ-tıñ Batıs jağalauında cunami turalı eskertu jariyalauğa mäjbürledi. Bwl mälimetter britandıq Kolumbiyadan, Kanadanıñ oñtüstik Kaliforniyasına deyingi milliondağan adamdarğa äser etti. Bwl turalı «WSJ» basılımı habarlaydı.

Köptegen twrğındardı alañdatqan cunami turalı eskertudi AQŞ-tıñ Memlekettik Cunami ortalığı (National Tsunami Center) küşinen qaldırdı. Alayda, Alyaska ştatındağı keybir jerlerde dauıl men cunami turalı eskertu küşin joymadı. Kanada ükimeti de oñtüstik-batıs aumağındağı eskertudi seysenbi küni toqtattı.

AQŞ-tıñ Memlekettik aua rayı qızmeti (National Weather Service) bergen mälimette, jer silkinisiniñ cunami tuğızğanın rastadı, alayda, bwl cunamidıñ quatı atalğan aumaqtarğa qauip töndirmeytinin ayttı. Dese de, Alyaska jağalaularında saqtıq şaraların qolğa aludı eskertti.

Qwrama Ştattardıñ Wlttıq geologiyalıq qızmetiniñ eskertuine säykes, jer silkinisi sağat 00:33 şamasında bolğan. Silkinis ortalığı Alyaskanıñ Kodiak aralınan oñtüstik-şığısqa 250 şaqırım qaşıqtıqta.

“The Qazaq Times”