تەڭىز تۇبىندەگى جەر سىلكىنىسى. فوتو: WSJ.

سەيسەنبى كۇنى اقش مەملەكەتتىك قىزمەتكەرلەرى ەلدىڭ باتىس جاعالاۋىندا تسۋنامي تۋرالى ەسكەرتۋدى رەسمي كۇشىنەن قالدىردى. وسىدان بۇرىن الياسكاعا جاقىن تەڭىز تۇبىندەگى 7,9 باللدىق جەر سىلكىنىسى ماڭىنداعى ارال تۇرعىندارىن بيىك جەرلەرگە كوشۋگە، سونداي-اق اقش-تىڭ باتىس جاعالاۋىندا تسۋنامي تۋرالى ەسكەرتۋ جاريالاۋعا ماجبۇرلەدى. بۇل مالىمەتتەر بريتاندىق كولۋمبيادان، كانادانىڭ وڭتۇستىك كاليفورنياسىنا دەيىنگى ميلليونداعان ادامدارعا اسەر ەتتى. بۇل تۋرالى «WSJ» باسىلىمى حابارلايدى.

كوپتەگەن تۇرعىنداردى الاڭداتقان تسۋنامي تۋرالى ەسكەرتۋدى اقش-تىڭ مەملەكەتتىك تسۋنامي ورتالىعى (National Tsunami Center) كۇشىنەن قالدىردى. الايدا، الياسكا شتاتىنداعى كەيبىر جەرلەردە داۋىل مەن تسۋنامي تۋرالى ەسكەرتۋ كۇشىن جويمادى. كانادا ۇكىمەتى دە وڭتۇستىك-باتىس اۋماعىنداعى ەسكەرتۋدى سەيسەنبى كۇنى توقتاتتى.

اقش-تىڭ مەملەكەتتىك اۋا رايى قىزمەتى (National Weather Service) بەرگەن مالىمەتتە، جەر سىلكىنىسىنىڭ تسۋنامي تۋعىزعانىن راستادى، الايدا، بۇل تسۋناميدىڭ قۋاتى اتالعان اۋماقتارعا قاۋىپ توندىرمەيتىنىن ايتتى. دەسە دە، الياسكا جاعالاۋلارىندا ساقتىق شارالارىن قولعا الۋدى ەسكەرتتى.

قۇراما شتاتتاردىڭ ۇلتتىق گەولوگيالىق قىزمەتىنىڭ ەسكەرتۋىنە سايكەس، جەر سىلكىنىسى ساعات 00:33 شاماسىندا بولعان. سىلكىنىس ورتالىعى الياسكانىڭ كودياك ارالىنان وڭتۇستىك-شىعىسقا 250 شاقىرىم قاشىقتىقتا.

“The Qazaq Times”