Foto: news.rambler.ru

AQŞ qorğanıs qabiletin arttıruğa küş saladı. Bwl turalı Amerikanıñ  jañadan jariyalanğan Wlttıq qorğanıs strategiyasında aytıldı. AQŞ-tıñ Qorğanıs ministri Djeyms Mettistiñ habarrlauınşa, memleket endi sırtqı sayasatında terrorizmmen küreske emes, älemdegi Resey men Qıtay siyaqtı alıp derjavalarmen bäsekede öz artıqşılıqtarın qalıptastıruğa basa nazar audaratın boladı. Bwl turalı VVS aqparattıq agenttigi jazdı. 

AQŞ Prezidenti Donal'd Tramp jaña strategiya ayasında qarastırılğan byudjetke özgerister engizip, qorğanıs salasına bölinetin qarajat 10 payızğa ösetinin mälimdedi. Bwl - 54 mlrd $ aynalasındağı qarajat. Ötken jılmen salıstırğanda arta tüsken byudjettegi üsteme qarjı şet elge beriletin ärtürli kömekterdiñ birqatarın qısqartu arqılı ünemdeletin boladı.

Djeyms Mettistiñ aytuınşa, AQŞ-tıñ äskeri saladağı basımdığı kün sanap qatardan qalıp keledi. Ol bwl olqılıqtıñ ornın toltıru üşin jaña tehnologiyalar men zamanaui qwral-jabdıqtarğa investiciya salu arqılı  äue, qwrlıq, teñiz jäne kiber qauipsizdik salalarındağı tehnikalıq äleuetti arttıru qajettiligin de atap ötti. "Biraq bwl bwrınğıdan köp aqşa böludi emes, qolda bar qarajattı tiimdi jwmsau degendi bildiredi", - dedi ol.

“The Qazaq Times”