Foto: Reuters

Süriya Ükimeti öz territoriyasına wşıp kirgen Türkiyanıñ äskeri wşaqtarın atıp tüsiretinin mälimdedi. Bwl şeşim osığan deyin Türkiyanıñ Süriyadağı Afrin aymağında ornalasqan kürd jasaqtarınıñ közin joyu üşin äskeri operaciya bastaytını jönindegi  habarlamasına baylanıstı qabıldanıp otır. Bwl turalı Äl-Jazira aqparattıq agenttigi jazdı.

Türkiya tarapınan taratılğan Süriyanıñ şekaralıq aymaqtarındağı kürd jasaqtarına kez kelgen uaqıtta şabuıl jasauı mümkin ekendigi turalı mälimdeme AQŞ-tıñ "Islam memleketi" lañkestik wyımına qarsı küresken kürd äskeri jasaqtarımen birlesip şekara äskerin qwru turalı bastamasınan keyin jasaldı. Öytkeni YPG dep atalatın kürd jasaqtarınıñ basım böligin qwraytın Süriyanıñ Demokratiyalıq küşteri AQŞ josparlağan 30 mıñ adamnan twratın "şekara äskeriniñ" qwramına kiretini aytıldı. Türkiyada bwl YPG wyımı terroristik toptardıñ qara tizimine ilingen. Öz elinde kürdterdiñ köp jılğı qarsılığımen jii wşırasıp kelgen Türkiya Ükimeti Süriyamen şekarada AQŞ qoldarına qaru berip, jattıqtırğan kürd jasaqtarınıñ bolğanın qalamadı.

Küni keşe AQŞ-tıñ memlekettik hatşısı Reks Tillerson Türkiyanıñ "Şekara äskeri qwrılsa, qos memlekettiñ qarım-qatınası qiınday tüsedi" degen eskertpesinen keyin, jağday  key adamdardıñ oyların dwrıs jetkizbegendiginen qate tüsindirilgenin,  şın mäninde Amerikanıñ kürd jasaqtarımen eşqanday baylanısı joqtığın jariyaladı.

SANA aqparattıq agenttiginiñ deregine säykes,, Süriyanıñ Sırtqı İster ministri Faysal äl-Mihdad: "Süriyanıñ äue keñistigine Türkiyanıñ äskeri wşaqtarı kirse, olardı atıp tüsiretinimizdi eskertemiz", - dep habarlağan.

“The Qazaq Times”