Euroodaq AQŞ, Japoniya jäne Qıtaydan täuelsiz bolu üşin öziniñ superkomp'yuterin jasap şığarmaq.

Bloomberg agenttiginiñ mälimetinşe, Euroodaq superkomp'yuter qwrastıruda AQŞ, Japoniya jäne Qıtaydı quıp jetu üşin 1 milliard euro qarjı bölgen. Jospar boyınşa, 2020 jılı Euroodaq elderi sekundına jüz kvadrillion jıldamdıqpen esepteytin eki birdey superkomp'yuter qwrastırıp şığaruı tiis. Al 2022 jılğa qaray Europa tolıqtay sekundına kvintillion jıldamdıqpen esepteytin jaña däuirdiñ komp'yuterin paydalanuğa köşui kerek. Qazirgi tañda atalmış jobağa qatısuğa Franciya, Germaniya, Lyuksemburg, Niderlandı, Greciya, Italiya, Ispaniya, Şveycariya, Portugaliya, Sloveniya, Horvatiya, Bel'giya jäne Bolgariya elderi niet bildirgen.

Ayta ketetin bir jayt, qazirgi uaqıtta Europa elderi superkomp'yuter qwrastıruda Qıtay, AQŞ jäne Japoniya elderinen birneşe jılğa artta qalıp qoyğan. Olar tipti superkomp'yuterlerdiñ keybir bölşekterin Qıtay men AQŞ-tan jalğa aluğa mäjbür. Al bwl Euroodaq basşılarınıñ alañdauşılığın tuğızuda. Sebebi Qıtay, AQŞ nemese Japoniya özderiniñ superkomp'yuterleri arqılı memlekettik qwpiya qwjattardı qoldı qıluı mümkin.

“The Qazaq Times”