ەۋرووداق اقش، جاپونيا جانە قىتايدان تاۋەلسىز بولۋ ءۇشىن ءوزىنىڭ سۋپەركومپيۋتەرىن جاساپ شىعارماق.

Bloomberg اگەنتتىگىنىڭ مالىمەتىنشە، ەۋرووداق سۋپەركومپيۋتەر قۇراستىرۋدا اقش، جاپونيا جانە قىتايدى قۋىپ جەتۋ ءۇشىن 1 ميلليارد ەۋرو قارجى بولگەن. جوسپار بويىنشا، 2020 جىلى ەۋرووداق ەلدەرى سەكۋندىنا ءجۇز كۆادريلليون جىلدامدىقپەن ەسەپتەيتىن ەكى بىردەي سۋپەركومپيۋتەر قۇراستىرىپ شىعارۋى ءتيىس. ال 2022 جىلعا قاراي ەۋروپا تولىقتاي سەكۋندىنا كۆينتيلليون جىلدامدىقپەن ەسەپتەيتىن جاڭا ءداۋىردىڭ كومپيۋتەرىن پايدالانۋعا كوشۋى كەرەك. قازىرگى تاڭدا اتالمىش جوباعا قاتىسۋعا فرانتسيا، گەرمانيا، ليۋكسەمبۋرگ، نيدەرلاندى، گرەتسيا، يتاليا، يسپانيا، شۆەيتساريا، پورتۋگاليا، سلوۆەنيا، حورۆاتيا، بەلگيا جانە بولگاريا ەلدەرى نيەت بىلدىرگەن.

ايتا كەتەتىن ءبىر جايت، قازىرگى ۋاقىتتا ەۋروپا ەلدەرى سۋپەركومپيۋتەر قۇراستىرۋدا قىتاي، اقش جانە جاپونيا ەلدەرىنەن بىرنەشە جىلعا ارتتا قالىپ قويعان. ولار ءتىپتى سۋپەركومپيۋتەرلەردىڭ كەيبىر بولشەكتەرىن قىتاي مەن اقش-تان جالعا الۋعا ءماجبۇر. ال بۇل ەۋرووداق باسشىلارىنىڭ الاڭداۋشىلىعىن تۋعىزۋدا. سەبەبى قىتاي، اقش نەمەسە جاپونيا وزدەرىنىڭ سۋپەركومپيۋتەرلەرى ارقىلى مەملەكەتتىك قۇپيا قۇجاتتاردى قولدى قىلۋى مۇمكىن.

“The Qazaq Times”