Foto: AFP

Tunis Ükimeti Birikken Arab Ämirlikterine qarastı Emirates airline äue kompaniyasınıñ wşaqtarına öz astanasına qonuğa tıyım saldı. Memlekettik şekteu şarasına BAÄ-nıñ tunistik äyelderdi birneşe kün qatarınan reysterge jibermey ne qatañ tekseristen ötkizui sebep bolğan. Bwl turalı VVS aqparattıq agenttigi jazdı.

Resmi mälimdemeler boyınşa,  Birikken Arab Ämirlikteri öz territoriyası arqılı tunistik äyelderdiñ  wşuına tıyım salğan. Jergilikti basılımdar Emirates airline äue jelisiniñ Dubay bağıtındağı reysterine Tunis äyelderi birneşe kün boyı jiberilmegenin jazdı. AFP aqparattıq agenttigine bergen swhbatında Tunis äyelderi özderiniñ BAÄ bağıtındağı reysterine şekteu qoyılğanın aytqan. Jwma küni Tunis Ükimeti mäseleniñ sebebin bilu üşin BAÄ elşisine joldağan hatına bwl uaqıtşa şaralar bolğanı jäne endigi qoldanıluı toqtatılğanı turalı jauap alğan.

Tunistiñ Kölik ministrligi äue jelisiniñ qızmetine qoyılğan tosqauıl BAÄ reysterdi halıqaralıq talaptar men zañdarğa säykes jüzege asırmayınşa jalğasatının habarladı. BAÄ-nıñ Sırtqı İster ministri Anvar Gargaş öziniñ tvitter paraqşasında Emirates airline qızmetindegi kedergilerge baylanıstı: "Biz jağdaydı anıqtau üşin tunistik bauırlarımızben söylestik. Birqatar qauipsizdik şaraları üşin reyster keyinge qaldırıldı. Biz Tunistiñ äyelderin erekşe qwrmetteymiz", - dep jazdı.

“The Qazaq Times”