Halıq banktiñ Direktorlar keñesi Qazkom-dı Halıq bankige qosu arqılı qos banktiñ birigu jobasın maqwldadı. Bwl turalı banktiñ baspasöz qızmeti habarlaydı.

Halıq bank pen Qazkom-nıñ integraciyası tiisti proceduralar is-jüzine asqan soñ jäne  baqılauşı tarapınan kelisim alınğannan keyin kezeñ-kezeñmen is-jüzine asatın boladı.

«Halıqaralıq konsul'tanttarmen ötken bes aydıñ işindegi eñbekti jwmıstıñ nätijesinde biz bwl mämileniñ masştabı tarapınan da, Qazaqstannıñ, sonday-aq men irgeles jatqan elderdiñ ekonomikasına körsetetin äseri jağınan da potencialı zor ekenin senimmen ayta alamız. Qos banktiñ birigui qarjı tobınıñ odan äri damuı üşin eñ wtımdı nwsqası bolıp tabıladı. Jaña strategiyanıñ tüyini - qos banktiñ eñ wtımdı, mıqtı twstarın biriktiru. Biz tek üzdik jobalardı alamız, yağni el boyınşa damığan banktik infraqwrılımdı jäne Halıq banktiñ üzdik täuekel-menedjmentin, Qazkomnıñ zamanaui tehnologiyaları men klienttik servistiñ standarttarın, sonday-aq qos banktiñ bäsekelestik önimderi men qızmetteri, milliondağan klientterge qızmet körsetudegi bilim men täjiribeni qoldanatın bolamız»,- dedi Halıq bank basqarmasınıñ törayımı Ümit Şayahmetova.

Qazkom-nıñ Halıq bankige birigui qos banktiñ tehnologiyalıq jäne servistik dayındıqtarı qamtamasız etilgen soñ ayaqtaladı dep josparlanğan. Bwl şaralarğa qos banktiñ önimderin, räsimderi men üderisterin säykestendiru jäne IT-jüyeleri men infraqwrılımdarın biriktiru jwmıstarı kiredi.

«Biz eldegi eñ iri bankti qwrudağı qos banktiñ birigui klientterdiñ nesiege jäne önimderdiñ keñ türine qoljetimdiligi arta tüsedi degen oydamız. Al, bwl öz kezeginde biznes pen ekonomikanıñ damuın qosımşa ıntalandıruın qamtamasız etedi. Halıq tobınıñ investiciyalıq mümkindikteri bizge Qazkomnıñ «nouhau» jäne jetekşi jwmıstarın odan äri belsendi türde damıtuğa mümkindik beredi. Bwnıñ barlığı bizge tehnologiyalıq köşbasşılıq pen qızmet körsetudegi sapalılıqtı saqtauğa jäne odan nığaytuğa senimdilikti arttıradı», - dedi özi sözinde Qazkommercbank basqarmasınıñ törağası Ul'f Vokurka.

Integraciya üderisi kezinde qos banktiñ klientteri üşin jaylılıqtı qamtamasız etu maqsatında negizgi ekpin Halıq bank pen Qazkommercbanktiñ barlıq servisteriniñ üzdiksiz jwmısına bağıttaladı.

Qos bank servisteriniñ sapalılığın jaqsartu jwmıstarı negizinen 2017 jılğı şildede bankomattıq jelilerdiñ biriguinen bastalğan bolatın. Keyinnen Halıq bank pen Qazkommercbank kartalıq bizneste birneşe jobalardı iske asırdı. Olar: QR-tölemderi men Halyk Light + Homebank Orange twtınuşılıq kreditteu bağdarlamaları. Jaqın arada bankter narıqqa aqşa audarımdarı men internette kartalıq tölemderdiñ jaña qızmetterin şığaradı, Halıq bank qızmetindegi käsipkerler üşin jaña onlaynbank pen onıñ mobil'di qosımşasın iske qosadı. Bankter klientterge barınşa ıñğaylı boluı üşin jäne olarğa birlesudiñ tiimdi jaqtarın jetkizu üşin barınşa küş-jigerin jwmsaydı.

“The Qazaq Times”