حالىق بانكتىڭ ديرەكتورلار كەڭەسى Qazkom-دى حالىق بانكىگە قوسۋ ارقىلى قوس بانكتىڭ بىرىگۋ جوباسىن ماقۇلدادى. بۇل تۋرالى بانكتىڭ ءباسپاسوز قىزمەتى حابارلايدى.

حالىق بانك پەن Qazkom-نىڭ ينتەگراتسياسى ءتيىستى پروتسەدۋرالار ءىس-جۇزىنە اسقان سوڭ جانە  باقىلاۋشى تاراپىنان كەلىسىم الىنعاننان كەيىن كەزەڭ-كەزەڭمەن ءىس-جۇزىنە اساتىن بولادى.

«حالىقارالىق كونسۋلتانتتارمەن وتكەن بەس ايدىڭ ىشىندەگى ەڭبەكتى جۇمىستىڭ ناتيجەسىندە ءبىز بۇل مامىلەنىڭ ماسشتابى تاراپىنان دا، قازاقستاننىڭ، سونداي-اق مەن ىرگەلەس جاتقان ەلدەردىڭ ەكونوميكاسىنا كورسەتەتىن اسەرى جاعىنان دا پوتەنتسيالى زور ەكەنىن سەنىممەن ايتا الامىز. قوس بانكتىڭ بىرىگۋى قارجى توبىنىڭ ودان ءارى دامۋى ءۇشىن ەڭ ۇتىمدى نۇسقاسى بولىپ تابىلادى. جاڭا ستراتەگيانىڭ ءتۇيىنى - قوس بانكتىڭ ەڭ ۇتىمدى، مىقتى تۇستارىن بىرىكتىرۋ. ءبىز تەك ۇزدىك جوبالاردى الامىز، ياعني ەل بويىنشا دامىعان بانكتىك ينفراقۇرىلىمدى جانە حالىق بانكتىڭ ۇزدىك تاۋەكەل-مەنەدجمەنتىن، قازكومنىڭ زاماناۋي تەحنولوگيالارى مەن كليەنتتىك سەرۆيستىڭ ستاندارتتارىن، سونداي-اق قوس بانكتىڭ باسەكەلەستىك ونىمدەرى مەن قىزمەتتەرى، ميلليونداعان كليەنتتەرگە قىزمەت كورسەتۋدەگى ءبىلىم مەن تاجىريبەنى قولداناتىن بولامىز»،- دەدى حالىق بانك باسقارماسىنىڭ ءتورايىمى ۇمىت شاياحمەتوۆا.

Qazkom-نىڭ حالىق بانكىگە بىرىگۋى قوس بانكتىڭ تەحنولوگيالىق جانە سەرۆيستىك دايىندىقتارى قامتاماسىز ەتىلگەن سوڭ اياقتالادى دەپ جوسپارلانعان. بۇل شارالارعا قوس بانكتىڭ ونىمدەرىن، راسىمدەرى مەن ۇدەرىستەرىن سايكەستەندىرۋ جانە IT-جۇيەلەرى مەن ينفراقۇرىلىمدارىن بىرىكتىرۋ جۇمىستارى كىرەدى.

«ءبىز ەلدەگى ەڭ ءىرى بانكتى قۇرۋداعى قوس بانكتىڭ بىرىگۋى كليەنتتەردىڭ نەسيەگە جانە ونىمدەردىڭ كەڭ تۇرىنە قولجەتىمدىلىگى ارتا تۇسەدى دەگەن ويدامىز. ال، بۇل ءوز كەزەگىندە بيزنەس پەن ەكونوميكانىڭ دامۋىن قوسىمشا ىنتالاندىرۋىن قامتاماسىز ەتەدى. حالىق توبىنىڭ ينۆەستيتسيالىق مۇمكىندىكتەرى بىزگە قازكومنىڭ «نوۋحاۋ» جانە جەتەكشى جۇمىستارىن ودان ءارى بەلسەندى تۇردە دامىتۋعا مۇمكىندىك بەرەدى. بۇنىڭ بارلىعى بىزگە تەحنولوگيالىق كوشباسشىلىق پەن قىزمەت كورسەتۋدەگى ساپالىلىقتى ساقتاۋعا جانە ودان نىعايتۋعا سەنىمدىلىكتى ارتتىرادى»، - دەدى ءوزى سوزىندە قازكوممەرتسبانك باسقارماسىنىڭ توراعاسى ۋلف ۆوكۋركا.

ينتەگراتسيا ۇدەرىسى كەزىندە قوس بانكتىڭ كليەنتتەرى ءۇشىن جايلىلىقتى قامتاماسىز ەتۋ ماقساتىندا نەگىزگى ەكپىن حالىق بانك پەن قازكوممەرتسبانكتىڭ بارلىق سەرۆيستەرىنىڭ ۇزدىكسىز جۇمىسىنا باعىتتالادى.

قوس بانك سەرۆيستەرىنىڭ ساپالىلىعىن جاقسارتۋ جۇمىستارى نەگىزىنەن 2017 جىلعى شىلدەدە بانكوماتتىق جەلىلەردىڭ بىرىگۋىنەن باستالعان بولاتىن. كەيىننەن حالىق بانك پەن قازكوممەرتسبانك كارتالىق بيزنەستە بىرنەشە جوبالاردى ىسكە اسىردى. ولار: QR-تولەمدەرى مەن Halyk Light + Homebank Orange تۇتىنۋشىلىق كرەديتتەۋ باعدارلامالارى. جاقىن ارادا بانكتەر نارىققا اقشا اۋدارىمدارى مەن ينتەرنەتتە كارتالىق تولەمدەردىڭ جاڭا قىزمەتتەرىن شىعارادى، حالىق بانك قىزمەتىندەگى كاسىپكەرلەر ءۇشىن جاڭا ونلاينبانك پەن ونىڭ ءموبيلدى قوسىمشاسىن ىسكە قوسادى. بانكتەر كليەنتتەرگە بارىنشا ىڭعايلى بولۋى ءۇشىن جانە ولارعا بىرلەسۋدىڭ ءتيىمدى جاقتارىن جەتكىزۋ ءۇشىن بارىنشا كۇش-جىگەرىن جۇمسايدى.

“The Qazaq Times”