Resey iri mwnay öndiruşi jäne eksporttauşı el sanaladı. Foto: Sputnik International.

Resey Federaciyasınıñ Keden qızmeti 11 jeltoqsanda taratqan mälimetterge qarağanda, ağımdağı jıldıñ alğaşqı 10 ayında reseylik mwnay eksportı ötken jıldıñ wqsas kezeñimen salıstırğanda şamamen 30% -ğa artqan. Bwl turalı «People» basılımınıñ resmi saytı habarladı.

Atalğan mälimetke sensek, 2017 jıldıñ aldınğı 10 ayında Reseydiñ mwnay eksportı 76,93 mlrd. AQŞ dolların qwrağan. 2016 jılı bwl körsetkiş 59,66 mlrd. AQŞ dolları bolğan. Osı mezgilderde Reseydiñ eksporttağan mwnay kölemi 214 mln tonnağa jetip, ötken jıldıñ aldınğı on ayınan 0,5 payızğa artqan.

Atalğan merzimde Reseydiñ alıs şetelderge eksporttağan mwnay kölemi jalpı eksporttıñ basım bölegin ieleydi. YAğni, alıs şetelderge 199 mln tonna mwnay şığarıp, onıñ qwnı 72,73 mlrd. AQŞ dollarına tura kelgen. TMD elderine eksporttağan mwnay kölemi 15 mln tonna bolıp, bwdan Resey qaltasına 4,2 mlrd AQŞ dolları qwyılğan.

Resey älemdegi iri mwnay öndiruşi jäne eksporttauşı elderdiñ biri. 2016 jılğı körsetkişte RF jalpı kölemi 547 million tonna mwnay öndirip, onıñ 254 million tonnasın şetelge  satqan.

“The Qazaq Times”