Izrail' ÄÄK-niñ F-35 joyğış wşaqtarı. Foto: Jewish Business News.

Izrail'diñ qorğanıs ökilderi keşe tüsten keyin mälimdeme jasap, Qwrama Ştattan engizilgen 9 dana F-35 jauıngerlik wşağı Izrail' äskeri äue küşteriniñ «Altın qıran» (Air Eagle) №140 eskadronına tirkelgenin habarladı. Bwl turalı «Şinlañ» aqparattıq saytı habarladı.

ÄÄK-niñ qızmetkerlerine jasağan mälimetinde Izrail' äue küşteriniñ komandiri Amkom Noogin: «Izrail' äue küşterine Tayau Şığıstağı damıp kele jatqan jäne kürdeli mäselelerdi şeşu üşin joğarı sapalı äue küşteri qajet. F-35 joyğış wşaqtarı qatarımızğa der kezinde kelip qosıldı. Bwl Izrail' äue küşteriniñ mümkindigi men deñgeyin köteretin boladı», – dedi.

Bwl Izrail'diñ älemde AQŞ-tan basqa F-35 soğıs wşaqtarına ie birden bir el bolğanın körsetedi. Sonımen birge AQŞ pen Izrail' arasındağı erekşe strategiyalıq qarım-qatınastıñ bar ekenin tüsindiredi. Ayta keteyik, Izrail' ÄÄK-i 2016 jıldıñ jeltoqsan ayında özderiniñ alğaşqı F-35 wşağına ie bolğannan keyin, jıl boyı jabdıqtau jäne tüzetu jwmıstarın istegen.

AQŞ prezidenti Ierusalim qalasın Izrail' astanası dep tanitını turalı şeşimin jariya etti. Bwl Izrail' üşin tabıstı qadam bolumen birge arab elderinen keletin qauip pen qısımdı arttıra tüsedi. Osı kezde Izrail' jaq äue küşteriniñ F-35 wşaqtarın resmi qatarğa qosıp, öñirdegi äue küşterindegi basımdığın tanıtuda.

“The Qazaq Times”