Türkimenstan men Iran gaz dauın halıqaralıq arbitajdı sotta şeşpek – dep habarlaydı «Beytarap Türkimenstan» gazeti.

Atalmış jağdayğa baylanıstı «Türkimen gaz» memlekettik kompaniyasınıñ törağası Mırat Arçaev jurnalister aldında söylegen sözinde: «Biz Iran tarapımen gaz dauına baylanıstı qanday da bir kelisimge kele almadıq. Olar bwl mäseleni şeşu üşin halıqaralıq arbitajdıq sotqa jüginudi wsındı» - degen. Osıdan keyin Türkimenstan basşısı Qwrbanğwlı Berdimwhamedov Iran tarapınıñ wsınısın qabıl alıp, el ükimetine halıqaralıq sotqa şağımdanu üşin tiisti qwjattardı dayındauğa tapsırma bergen.

Türkimenstan men Iran arasındağı gaz dauı 2007-2008 jıldar aralığında bastalğan bolatın. Däl osı jıldarı Iran tarapı qıstıñ qattı boluına baylanıstı Türkimenstannan alatın gaz kölemin arttıruğa mäjbür bolğan. Biraq Türkimenstan Iranğa qosımşa gazdı birneşe ese qımbat bağamen satqan. Olar kelisim boyınşa, 2008 jılğa deyin 1000 kub metr gazdı 40 dollardan saudalap kelgen. Alayda Irandağı qıstıñ qattı boluın paydalanıp, kögildir otın bağasın 40 dollardan, 360 dollarğa biraq qımbattatqan. Osıdan keyin Iran tarapı Türkimenstanğa 2 milliard dollar qarız bolıp qalğan. Iran prezidenti Hasan Ruhani äkimşiliginiñ sözinşe, el ükimeti Türkimenstan aldındağı soñğı üş jıldağı barlıq qarızdarın tölep bitken. Al onıñ aldındağı qarızdar özge prezidenttiñ kezindegi qarızdar bolğandıqtan onı qayta qarau kerek.

Negizinen Iranda kögildir otınğa öte bay memleket. Biraq onıñ tabiği gaz qorınıñ barlığı eldiñ oñtüstiginde ornalasqan. Sol sebepti olar 1997 jıldan beri soltüstik provinciyaların Türkimenstan gazımen qamtamasız etip otır.

“The Qazaq Times”