Soltüstik Koreyanıñ kezekti wşırğan zımıranı Japoniya araldarına tayau teñiz aydınına qwladı. Foto:WSJ.

29 qaraşa särsenbige qarağan tünde (29,11,2017 02:47) Soltüstik Koreya jaña zerttep jasağan «Mars-15» attı qwrlıq aralıq ballistikalıq zımıranın atqan bolatın. Bügin atalğan ballistikalıq zımıran sınağı kezinde tüsirilgen suretter men keskinderdi jariya etti. Bwl turalı «Şinlañ» aqparattıq saytı habarladı.

Kim Joñ Un zımırandı tasımaldau procesin baqılauda. Foto: Xinlang.NEWS.

Soltüstik Koreya taratqan mälimette, bwl retki zımıran sınağı arqılı, qaru jüyesiniñ barlıq parametrleri jobalıq talaptarğa säykes keletinin, sonday-aq, soğıs kezinde senimdi qorğau missiyasın ötey alatının twraqtandırğan. Atap aytqanda, wşu aralığın baqılau jäne jıldamdıqtı tüzetudiñ däldigi tekserilgen. Bwdan sırt zımıran qozğaltqışınıñ äreketi men dwrıstığı sınnan ötkenin de aytadı. Zımırandı wşıru jäne meñgeru kezindegi tehnikalıq jwmıstardıñ bäri de joğarı talaptarğa say bolğan.

Zımırandı qondıru kezinde. Foto: Xinlang.NEWS.

Soltüstik Koreyanıñ bwr retki sınağı olardıñ osığan deyingi barlıq zımıran sınağınan da joğarı nätije bergen. Zımırandı tasımaldau, qondıru jäne wşıru sekildi procesterinde barlıq sapalıq talaptardı orındadıq desude. Osığan deyin Soltüstik Koreyanıñ zımıran sınaqtarında zımırannıñ wşu quatı, wşu aralığınıñ alıstığı jäne atmosfere qabatına qayta engen kezdegi temperaturağa tözimdiligi sınnan ötken bolatın.

"Mars-15"-ti wşıruğa bwyrıq berdiü. Foto: Xinlang.NEWS.

KHDR-nıñ eñ joğarı basşısı Kim Joñ Un bwl retki zımıran sınağın el tarihındağı mañızdı jetistik degen pikirin bildirgen. Degenmen, AQŞ-tağı derbes "WSJ" basılımınıñ habarında, Soltüstik Koreyanıñ resmi arnaları arqılı taratqan mälimetteriniñ bärine sene beruge bolmaytının aytadı.

“The Qazaq Times”