Foto: EPA

Resey Prezidenti Vladimir Putin Türkiya basşısı Redjep Tayıp Erdoğan jäne Irannıñ köşbasşısı Hasan Rouhanimen kezdesip, Süriya mäselesin talqıladı. Altı jalğa sozılğan soğıstı toqtatu maqsatında osı taqırıpta Kongress ötedi dep kelisildi. Kezdesuge qatısqan memleketter Süriya Ükimeti men Oppoziciyasın konstruktivti dialogqa keluge şaqırdı. Soçi qalasında ötedi dep kütilip otırğan Kongresstiñ naqtı uaqıtı jariyalanğan joq. 

Däl osı uaqıtta Saud Arabiyasında Süriyadağı oppoziciya basşılarınıñ kezdesui ötti. Jeneva kelissözderiniñ aldında bir mämilege kelip alu maqsatında wyımdastırılğan bas qosuğa Süriyadağı birqatar belgili toptardıñ basşıları qatıstı.

Resey Prezidenti jurnalisterge bergen swhbatı barısında, Süriyadağı "Islam memleketi" lañkestik wyımına qarsı soğıstıñ nätijeli ayaqtalıp kele jatqanın ayttı. Ol endi terrorşılardıñ qolınan jaqın uaqıtta tolıqtay azat bolatın Süriyağa jaña Konstituciya qabıldap, BWW-nıñ baqılauımen demokratiyalıq qwndılıqtar tolıq saqtalatın ädil saylau ötkizu kerektigin jetkizdi. Bwl üşin bilikke talasıp otırğan barlıq taraptar beybit kelissözderge kelip, saylaudıñ ötuine müddeli boluı kerek.

“The Qazaq Times”