Foto: earthquake-today.com

Nigeriyanıñ soltüstik-şığısında ornalasqan meşitke jinalğan jwrtşılıqtıñ arasında  jasöspirimniñ özin jarıp jiberui saldarınan 50-ge juıq adam qaza taptı. Qwqıq qorğau organı qızmetkerleri terraktini "Boko Haram" wyımınıñ isi dep bağalap otır. Bwl 2016 jıldıñ jeltoqsan ayında eki jankeşti äyel bazarda özderin jarıp jiberip, 45 adamnıñ ölimine sebep bolğannan keyin bolıp otırğan eñ ülken terraktilerdiñ biri. 

Osıdan eki jıl bwrın "Boko Haram" wyımı tolıqtay jeñildi dep jariyalağan Nigeriyanıñ Prezidenti Mwhammadu Bwhari terraktini "jantürşigerlik" dep atap, köpşliktiñ qayğısına ortaqtastı. Policiya qızmetkeri Osman Äbubäkirdiñ aytuınşa, qılmısker 17 jas şamasında bolğan.

Terraktige qatıstı özge derekter belgisiz. Degenmen policiya qızmetkerleri Boko Haram wyımınıñ eldegi  bilikke aralasu turalı oyları sätsiz ayaqtalğannan keyin, olar qarapayım azamattardı qorqınışta wstauğa talpınatın boluı kerek. Öytkeni osığan deyin atalğan wyım ükimet tarapınan beybit twrğındarğa tiispeu turalı eskertu alğanımen, oğan qwlıq asa qoymağan.

“The Qazaq Times”