فوتو: earthquake-today.com

نيگەريانىڭ سولتۇستىك-شىعىسىندا ورنالاسقان مەشىتكە جينالعان جۇرتشىلىقتىڭ اراسىندا  ءجاسوسپىرىمنىڭ ءوزىن جارىپ جىبەرۋى سالدارىنان 50-گە جۋىق ادام قازا تاپتى. قۇقىق قورعاۋ ورگانى قىزمەتكەرلەرى تەرراكتىنى "بوكو حارام" ۇيىمىنىڭ ءىسى دەپ باعالاپ وتىر. بۇل 2016 جىلدىڭ جەلتوقسان ايىندا ەكى جانكەشتى ايەل بازاردا وزدەرىن جارىپ جىبەرىپ، 45 ادامنىڭ ولىمىنە سەبەپ بولعاننان كەيىن بولىپ وتىرعان ەڭ ۇلكەن تەرراكتىلەردىڭ ءبىرى. 

وسىدان ەكى جىل بۇرىن "بوكو حارام" ۇيىمى تولىقتاي جەڭىلدى دەپ جاريالاعان نيگەريانىڭ پرەزيدەنتى مۇحاممادۋ بۇحاري تەرراكتىنى "جانتۇرشىگەرلىك" دەپ اتاپ، كوپشلىكتىڭ قايعىسىنا ورتاقتاستى. پوليتسيا قىزمەتكەرى وسمان ابۋباكىردىڭ ايتۋىنشا، قىلمىسكەر 17 جاس شاماسىندا بولعان.

تەرراكتىگە قاتىستى وزگە دەرەكتەر بەلگىسىز. دەگەنمەن پوليتسيا قىزمەتكەرلەرى بوكو حارام ۇيىمىنىڭ ەلدەگى  بيلىككە ارالاسۋ تۋرالى ويلارى ءساتسىز اياقتالعاننان كەيىن، ولار قاراپايىم ازاماتتاردى قورقىنىشتا ۇستاۋعا تالپىناتىن بولۋى كەرەك. ويتكەنى وسىعان دەيىن اتالعان ۇيىم ۇكىمەت تاراپىنان بەيبىت تۇرعىندارعا تيىسپەۋ تۋرالى ەسكەرتۋ العانىمەن، وعان قۇلىق اسا قويماعان.

“The Qazaq Times”