«Islam memleketi» lañkestik wyımı qwrbandarınıñ jappay jerlengen ornı tabıldı

Iraktıñ soltüstik böliginen "Islam memleketi" lañkestik wyımı qwrbandarınıñ jappay jerlengen ornı tabıldı. Atalğan mekendi qazu kezinde 400-ge juıq adam süyegi bir orınğa kömilgeni anıqtaldı. Qwrbandardıñ üstinde twtqındardıñ kiimi bolğan. Bwl turalı Äl-Jazira aqparattıq agenttigi jazdı. 

Jappay jerleu ornı Kirkuk qalasınan 45 km qaşıqtıqta ornalasqan "Islam memleketi" lañkestik wyımınıñ negizgi tirekteriniñ biri Havija qalasınıñ mañınan tabılğan. Irak äskeri atalğan qala men oğan irgeles aumaqtardı terrorşılardıñ qolınan qazan ayında azat etti.

Äl-Jaziranıñ Iraktağı tilşisiniñ habarlauınşa, "Islam memleketi" lañkestik wyımı öz biligine qarsı adamdardı türmege jauıp, közin joyıp otırğan. Juırda Associated Press aqparattıq agenttigi Süriya men Irakta lañkestik wyımnıñ jalpı sanı 72 twtqındardı jerleu ornı bar ekenin jazğan bolatın. Qazir fotosuretter men swhbattar arqılı solardıñ 17-niñ meken-jayı anıqtaldı.

“The Qazaq Times”