Foto: APF

Katar Saud Arabiyasınıñ özine qarsı qarjılıq soğıs bastağanı turalı mälimdemeniñ ras-ötirigin anıqtau üşin zertteu jwmıstarın bastadı. Memlekettik baylanıs qızmetiniñ ökili Saif bin Ahmed äl-Tani Katar mwnday habardı alğaş ret şilde ayında alğanın, biraq BAQ-tağı soñğı maqalalardan keyin qayta tekseru jürgizu bastalğanın habarladı. Bwl turalı Äl-Jazira aqparattıq agenttigi jazdı. 

Amerikalıq The Intercept basılımınıñ dereginşe, Saud Arabiyasınıñ Katar ekonomikasına äser etu jäne 2022 jılı ötetin älem çempionatına kedergi jasau äreketteri turalı Saud Arabiyasınıñ AQŞ-tağı elşisi YUsuf äl-Otaybanıñ poşta jäşiginen tabılğan. Sonday-aq, belgisiz qarjı institutı qwndı qağazdarın Katar riyalında satudı doğarğan. Bwl turalı aqparattı jetkizgen äl-Tani qazir Katardıñ Ortalıq banki atalğan derekterdiñ rastığın tekserip jatqanın ayttı.

The Intercept aytuınşa, Katardıñ ekonomikasın qwldıratıp, wlttıq valyutasın älsiretu josparın Lyuksemburgte ornalasqan Banque Havilland banki dayıdağan. Äl-Jazirağa pikir bildirgen äl-Tani: "Eger Saud Arabiyasınıñ Katar ekonomikasına keri äser etu äreketterin jüzege asırğanı ras bolsa, onda bwl tek biz üşin emes, bükil älemniñ ekonomikasına ülken qater töndiredi", -dedi.

“The Qazaq Times”