AQŞ pen Türkiyanıñ qorğanıs ökilderi Bryussel'de kezdesti. Foto: Daily Sabah.

Türkiya ükimeti köpten beri Iran, Irak, Süriya jäne Türkiya jerindegi kürdterdiñ territoriyasın qamtığan derbes Kürdistan qwrudı maqsat etken PKK terrorlıq tobın barınşa ayıptaumen keledi. Türkiya jaq Qwrama Ştattı PKK-nı qoldap otır dep birneşe ret ayıptağan bolatın. Jaqında Türkiya Wlttıq qorğanıs ministri Bel'giyadağı kezdesu kezinde AQŞ qorğanıs ministri Mettiske PKK qoldanğan AQŞ-ta öndirilgen qarulardı körsetken. Bwl turalı sol eldiñ «Anatolı» aqparattıq agenttiginiñ resmi saytı jazdı.

Bel'giyanıñ bas qalası Bryussel'de ötkizilgen NATO müşeleriniñ qorğanıs ökilderi jinalısında Türkiyanıñ Wlttıq qorğanıs ministrliginiñ basşısı Şemdinilde bolğan terrorlıq oqiğadan keyin qolğa tüsirgen PKK qarularınıñ AQŞ-ta öndirilgeni turalı qwjattardı AQŞ Qorğanıs ministri Mettiske körsetken.

Osığan deyin Süriya men Iraktağı «IM» küşterine qarsı küresu üşin AQŞ jaq osı elderdegi kürdterdiñ PYD/YPG wyımına qaru-jaraqtar bergeni turalı mälim. Al, Türkiya jaq kürd qarulı toptarınıñ bärin de terrorlıq wyımğa jatqızuda. Bwl qayşılıqtan eki el arasında alauızdıq payda bolğalı da köp bolğan.

Türkiyanıñ qorğanıs ökilderi: «PYD/YPG-ge berilgen qarulardıñ, PKK jasağan terrorlıq şabuıldarda tabıluınan, bwl qaru-jaraq kömeginiñ zañdı dep aytuğa bolmaydı», – dedi. Türkiya jaq bwl bas qosu kezinde terrorizmge qarsı kürestegi şığındardı da jariya etti jäne 11 ay işinde 2300-den astam terroristi joyğandarın alğa tarttı.

“The Qazaq Times”