Saud Patşası jäne Iran prezidenti. Foto: Brookings.

Saud Arabiyası ötken aptanıñ soñında eldiñ ortalıq qalası Er-Riyadtıñ keñistiginen ballistikalıq zımırandı atıp qwlatqandarı turalı mälimdegen bolatın. AQŞ tarabı Yemennen atılğan bwl zımırannıñ jauapkerşiligi Irannıñ moynında ekenin aytuda. Degenmen, Tehran (Tegeran) biligi bwnı teriske şığardı. Bwl turalı osı eldiñ resmi «Pars.Aqparat» agenttigi habarlağan edi.

Iran Qorğanıs ministri jasağan mälimdemede: «Olar bizge ayıp tağu üşin barlıq mümkindikterin paydalanuda. Alayda biz bwnı soñına deyin tekserip anıqtaytın bolamız desti. Atalğan eldiñ taratqan habarında, AQŞ-tıñ barlıq qadamın Iranğa qarata jaulıq sayasatı retinde körsetken. Iran jaq AQŞ ükimetin ayıptau sözinde «bala öltiruşi rejimderdi (Saud Arabiyasın aytıp otır) jäne qiyanatşıl Izrail' elderiniñ Yemen men Palestinadağı äreketterin qoldadı» dep ayıptağan.

Al, Irannıñ BWW-dağı twraqtı ökili wyımnıñ bas hatşısı men Qauipsizdik keñesi törağasına hat joldap, Saud Arabiyanıñ sırtqı sayasattarına narazılıq bildirdi. Oğan qosa Saud Arabiyasına qısım tüsirudi talap etti. Bwl jerde Iran Yemendegi soğıs pen Katar dağdarısın alğa tartıp, Saud jwrtı öñirde arandatuşılıq jasap otır dep ayıptadı.

Sonımen birge Irannıñ SİM basşısı da Franciya saparı kezinde, AQŞ-tıñ Iran yadrolıq kelisimine qaratqan wstanımın teristep, «halıqaralıq kelisimdi bwzu» dep ayıptadı. Al, Irannıñ bwl mäselede kez-kelgen qadamğa dayın ekenin basa ayttı.

“The Qazaq Times”