AQŞ prezidenti Donal'd Tramp. Foto: WSJ.

Beysenbi küni AQŞ-tıñ eki birdey B-1B bombalauşı wşağı Korey tübegine attandı. AQŞ prezidenti Donal'd Tramptıñ Aziyağa saparı kezinde Japoniya jäne Oñtüstik Koreyanıñ äue küşteri de sayıp qıran äue qosındarın Soltüstik Koreyağa jaqın keñistikke jiberetin bolıp otır. Bwl turalı “WSJ” basılımı habarlap otır.

AQŞ-tıñ Tınıq mwhit äskeri qolbasşılıq ştabınıñ bergen mälimetine qarağanda, bwl tek tuıluı mümkin isterden saqtanuğa bağıttalğan, ağımdağı jağdaymen baylanıstı emes. Qazirdiñ özinde AQŞ teñiz küşteriniñ üş birdey alıp aviamatkaları Aziyanıñ Soltüstik Şığısına keldi. Bwl jağday 10 jıldan beri alğaş ret bolıp otır.

Äue küşteri attanudan bwrın AQŞ-tıñ resmi aqparat qwraldarı bwl turalı habar tarattı. Bwğan Soltüstik Koreyanıñ resmi basılımdarı bügin tañerteñ arnaulı pikir bildirip, habar tarattı. Onda: «Oñtüstik Koreya jerindegi äskeri jattığulardıñ maqsatı, Soltüstik Koreyanı yadrolıq qarudan bas tartuğa itermeleu. AQŞ-tıñ bwl qadamı KHDR-nı qıspaqqa alumen birdey. Bwl olardıñ Korey tübeginde yadrolıq soğıstıñ tuuın qalaytındıqtarın körsetedi», - delingen.

Soltüstik Koreya alañdağanday-aq. Wşaq tasımaldauşı üş keme –USS Ronal'd Reygan, USS Teodor Ruzvel't jäne USS Nimitz Korey tübegindegi sularğa jaqın twr. Bwlar tipti twtas AQŞ qarulı küşterine ökil bola aladı deuge layıq. Oğan qosa AQŞ äue küşteriniñ aybını sanalatın B-1B bombalauşı wşağınıñ da Korey tübegine attanuı öñirdegi elderdi alañdatpay qalmaydı. Äskeri quatın körsetip, Aziyanıñ şığısına saparlay kele jatqan Tramptıñ jolı bolar ma eken? Aldağı uaqıtta Soltüstik Şığıs Aziya tım qauipti sınaq uaqıtın keşkeli twr.

“The Qazaq Times”