اقش پرەزيدەنتى دونالد ترامپ. فوتو: WSJ.

بەيسەنبى كۇنى اقش-تىڭ ەكى بىردەي B-1B بومبالاۋشى ۇشاعى كورەي تۇبەگىنە اتتاندى. اقش پرەزيدەنتى دونالد ترامپتىڭ ازياعا ساپارى كەزىندە جاپونيا جانە وڭتۇستىك كورەيانىڭ اۋە كۇشتەرى دە سايىپ قىران اۋە قوسىندارىن سولتۇستىك كورەياعا جاقىن كەڭىستىككە جىبەرەتىن بولىپ وتىر. بۇل تۋرالى “WSJ” باسىلىمى حابارلاپ وتىر.

اقش-تىڭ تىنىق مۇحيت اسكەري قولباسشىلىق شتابىنىڭ بەرگەن مالىمەتىنە قاراعاندا، بۇل تەك تۋىلۋى مۇمكىن ىستەردەن ساقتانۋعا باعىتتالعان، اعىمداعى جاعدايمەن بايلانىستى ەمەس. قازىردىڭ وزىندە اقش تەڭىز كۇشتەرىنىڭ ءۇش بىردەي الىپ اۆياماتكالارى ازيانىڭ سولتۇستىك شىعىسىنا كەلدى. بۇل جاعداي 10 جىلدان بەرى العاش رەت بولىپ وتىر.

اۋە كۇشتەرى اتتانۋدان بۇرىن اقش-تىڭ رەسمي اقپارات قۇرالدارى بۇل تۋرالى حابار تاراتتى. بۇعان سولتۇستىك كورەيانىڭ رەسمي باسىلىمدارى بۇگىن تاڭەرتەڭ ارناۋلى پىكىر ءبىلدىرىپ، حابار تاراتتى. وندا: «وڭتۇستىك كورەيا جەرىندەگى اسكەري جاتتىعۋلاردىڭ ماقساتى، سولتۇستىك كورەيانى يادرولىق قارۋدان باس تارتۋعا يتەرمەلەۋ. اقش-تىڭ بۇل قادامى كحدر-نى قىسپاققا الۋمەن بىردەي. بۇل ولاردىڭ كورەي تۇبەگىندە يادرولىق سوعىستىڭ تۋىن قالايتىندىقتارىن كورسەتەدى»، - دەلىنگەن.

سولتۇستىك كورەيا الاڭداعانداي-اق. ۇشاق تاسىمالداۋشى ءۇش كەمە –USS رونالد رەيگان، USS تەودور رۋزۆەلت جانە USS Nimitz كورەي تۇبەگىندەگى سۋلارعا جاقىن تۇر. بۇلار ءتىپتى تۇتاس اقش قارۋلى كۇشتەرىنە وكىل بولا الادى دەۋگە لايىق. وعان قوسا اقش اۋە كۇشتەرىنىڭ ايبىنى سانالاتىن B-1B بومبالاۋشى ۇشاعىنىڭ دا كورەي تۇبەگىنە اتتانۋى وڭىردەگى ەلدەردى الاڭداتپاي قالمايدى. اسكەري قۋاتىن كورسەتىپ، ازيانىڭ شىعىسىنا ساپارلاي كەلە جاتقان ترامپتىڭ جولى بولار ما ەكەن؟ الداعى ۋاقىتتا سولتۇستىك شىعىس ازيا تىم قاۋىپتى سىناق ۋاقىتىن كەشكەلى تۇر.

“The Qazaq Times”