"Täuelsizdik jolındağı diplomatiya" kitabınıñ twsau keser räsimi. Foto avtorı: Erjan Jaubay

Bügin Astanadağı Euraziya Wlttıq Universitetinde belgili qoğam qayratkeri, diplomat Saylau Batırşa-wlınıñ 75 jıldıq mereytoyına arnalğan halıqaralıq ğılımi-täjiribelik konferenciya ötti. Konferenciyanıñ taqırıbı – «Qazaqstan Respublikasınıñ diplomatiyası: qalıptasuı, damuı jäne keleşegi».

Jiınnıñ betaşar sözin bastap aşqan Euraziya Wlttıq Universitetiniñ rektorı Erlan Sıdıqov mereytoy iesin qwttıqtap, diplomattıñ twlğalıq jäne küreskerlik jolı jaylı jürekjardı pikirimen bölisti. Sonday-aq, universitet professorı retinde halıqaralıq qatınas mamandığında oqitın studentterge wstazdıq etip jürgen diplomatqa, oqu ornı atınan sıy-siyapattarın tabıstadı. Jäne de diplomattıñ keudesine universitettiñ eki jılda bir tağayındaytın "Kültegin" tösbelgisin taqtı.  Sonımen qatar, Senat törağası Qasım-Jomart Toqaevtıñ, Sırtqı ister ministri Qayrat Äbdirahmanovtıñ  jäne basqa da resmi mekeme basşılarınıñ qwttıqtauları oqıldı.

Konferenciya kezinde. Foto avtorı: Erjan Jaubay

Konferenciyağa qatısuşılar Qazaqstan diplomatiyasınıñ türli kezeñdegi qızmetin, memlekettiñ qalıptasuı barısındağı atqarğan rölin keñ kölemde atap ötti. Konferenciyağa mereytoy iesin qwttıqtau üşin köptegen qonaqtar jinaldı.  Täuelsiz Qazaqstannıñ twñğış Sırtqı ister ministri bolğan Töleutay Süleymenov, diplomatiyağa eñbegi siñgen qızmetker Qayır Omarov, akademik Jabayqan Äbdildin, qazaqtıñ twñğış ğarışkeri, qoğam qayratkeri Toqtar Äubäkirov, akademik Ğarifolla Esim, eks deputat, qoğam qayratkerleri Orazkül Asanğazı, Erasıl Äbilqasım sonday-aq, ğalım Dihan Qamzabekwlı, Amangeldi Qaşqımbaev, YUNESKO kafedrasınıñ meñgeruşisi Ğadılbek Şayahmetov, tağı basqa köptegen tanımal twlğalar men Qazaqstandağı şetel elşilikteriniñ diplomattarı qatısıp, ğılımi bayandamalar men qwttıqtauların jetkizdi.

Qazaqtıñ twñğış ğarışkeri Toqtar Äubäkirov. Foto avtorı: Erjan Jaubay

Al, Sırtqı ister ministrligi tarapınan ministrdiñ ornıbasarı Roman Vasilenko jäne ministrliktegi  Halıqaralıq aqparat komiteti törağasınıñ orınbasarı Asqar Abdrahmanov qwttıqtau sözderin arnadı.

Sonımen birge, alqalı jiınğa kelgen qauım diplomattıñ ömiri men diplomatiya jolın, täuelsizdik kezeñindegi küreskerligin, qajır-qayratın arqau etken «Täuelsizdik jolındağı diplomatiya» attı esse-dialog kitabınıñ twsaukeser räsimi ötti. Kitaptıñ avtorı – jazuşı-jurnalist,  "The Qazaq Times" portalınıñ şef redaktorı Mwrat Almasbekwlı. 7 bölimnen twratın eñbekte diplomattıñ ömiri, qızmeti surettele otırıp, qazaq diplomatiyası tarihı, diplomatiyada jäne täuelsizdik jolında qızmet etken basqa da twlğalar söz boladı. Şığarmada wlt tağdırı, til, din, şettegi qandastar jayı da keñinen bayandalğan.

Kitap keyipkeri Saylau Batırşa-wlı men kitap avtorı Mwrat Almasbekwlı.

Eñbektiñ şığuı – diplomat Saylau Batırşa-wlınıñ 75 jıldıq mereytoyı men diplomatiyalıq qızmetiniñ 50 jıldığına twspa-tws kelip otır.

Qazaq diplomatiyasında abız aqsaqaldıñ biri äri biregeyi sanalatın Saylau Batırşa-wlı äli de wlt müddesi üşin qızmet etude. Ol qazir Sırtqı ister ministriniñ ştattan tıs keñesşisi jäne EWU-da professor.

"The Qazaq Times"